بسم الله الرحمن الرحيم
قصيدة للشاعر
عبد الله بن عبد الرحمن ابن عريمة الوداعين الدوسري
في الأمير سلمان بن عبد العزيز
وفي الوطن وفي قبيلة الدواسر
يالله ياذا الجـلال وذو الّعلـو الجليـل=القابض الباسط البر اللطيـف الـودود
نعم الولي الكافي المولى ونعم الوكيـل=ذو العرش ملكه إلاه الكون ماله حـدود
الحمد لله عطانا مـن عطـاه الجزيـل=أمن وأمان وسلام اسلام فضـلٍ وجـود
بلادنـا المملكـه ومالهـا مـن مثيـل=بيدي أمينه ولوهـا بالشريعـه أسـود
ولاه منّا وفينا طيـب ونخـوه وهيـل=موحديـن البـلاد مرسميـن الحـدود
عز ومعزه ووحدة شعب وخيرٍ فضيـل=اخوان مافرقتنا احزاب ومذهـب يهـود
نحج ونصوم ونصلي ونسقي السبيـل=نمشي على منهج السنه سوى مانحـود
طيبة سقاها الحيا وشعاب مكة تسيـل=الله يعـز الوطـن ويديـم آل السعـود
وحنا نفاخربهم أبنـا المليـك المهيـل=عبد العزيز العريب الفيصلـي السعـود
ملوك نجد وسلايل مجد ونجده وخيـل="ألاد مقرن "هل العوجا كـرام الجـدود
حنا خـوال الملـوك مزبنيـن الدخيل=الجد مقرن وبن بـدران خـال الفهـود
حنا الدواسر لكم ضلعٍ وسيـفٍ صقيـل=من صلب زايد وتغلب كل حـرٍ صمـود
نمشي على طوعكم ونذب راس الطويل=لملوكنا والوطن نبذل قصارى الجهـود
ياسيدي سيدي سلمـان نجـد الأصيـل=يابو فهد أنتم الهامـه وحنـا عضـود
تاريخنا يشهد ويعطـي عليهـا دليـل=وقفاات " دوسر" عليها الله وخلقه شهود
وختامها العود الازرق والمبارق تخيـل=وصلاة ربي على المبعوث ماهب نـود
19-11-2007, 09:08 PM
العرض العادي
