هذه قصيده لـ الشاعر الراائع محمد بن الذيب
وهي موجهه للشاعر والإعلامي نايف الرشيدي
وبصراحه هي من اجمل ما قراءت لـ هذه الظاهره الشعريه
وكـ العاده القصيدة تحتوي على الكثير من الرمزيه وبعض الالغام والحواجز الشائكه
اترككم مع الجزاله والابداااع
سبحـان مـن در المطـر وأحيابـه القـاع الهميـت=الشكـر لـه والحمـدلله والفضـل لـه والمـن لــه
ياالمانـع اللـي تمنـع وتعطـي إلـى منـك عطيـت=ياكافـل(ن )رزق اليتيـم الـلـي تولـتـه أرمـلـه
علـى محمـد صـل يـاربـي وسـلـم وآل بـيـت=محـمـد وصحـبـه وبلغـنـا مـعـاه المـنـزلـه
وياصاحبي واغلا اصاحيبـي يانايـف ويـت ويـت.=علـم رشايـدة الكويـت الطيـب منـهـم منهـلـه
رجال عبس اللي بنوا لـي فـي قلـوب العـز بيـت=احفـاد مجـد الماضـي اللـي يحفـظـه مستقبـلـه
هاماتهـم مثـل الجبـال الـشـم وأولـهـا حفـيـت=سـلالـة الـعـز القـديـم بـعـزهـا متسـلـسـه
ودي اصـرح لـك وخـاف انـك تحطهـا مانشيـت=وينسـل سيـف وينتخـي عـزوة وتقـدح قنبـلـه
مـاودك إلـى ضاقـت فجـوح الوسيعـه كمبلـيـت=ودارت علـيـك النايـبـات وتعّبـتـك المعـضـلـه
إلا رشيدي مـن رشايـدة نجـد وإلا أهـل الكويـت=مـن دون قاصـر فـي رجـال مجدهـم مانجهـلـه
لـوإن ربعـي يـام مـن فـوق الهقـاوي لاهقيـت=(......................................... ..........)
فـي روسهـم حـب مايطحنـه الزمـان المستميـت=وعيونهم تقبـس شـرار(ن) مـن شـرار المرجلـه
لكـن نايـف لا أعـدم مـن صحبـتـه ولا خلـيـت=من وقفته وقفـة ..ورى وقفـة ولاهـي بـا لأولـه
ياصاحبي نايـف سعيـد الحـظ مـن حظـه بخيـت=ماكـل راعـي حــظ حـظـه فالـلـزوم ايجمـلـه
اشوف بعض حظوظ خلـق الله مثـل بنـت السبيـت=تـاكـل وراعيـهـا مـادامـه يمتلكـهـا تكّـمـلـه
اليا نويت تزور شيخ (ن) له على أهل الصيت صيـت=اخـذ معـك قلبـي يقـول اللـي بـا أقولـه أوقلـه
وشلون مايرضى علي وأنا قبـل مـا أزعـل رضيـت=وشلـون مايزعـل علـي وأنـا اتشـرف بزعـلـه
ياسيـدي ياللـي علـى العالـي المـجـد اعتلـيـت=ارض (ن) مهي بارض(ن) زراعية ما تنبـت سنبلـه
وسنابلـك تمـلأ بطـون الفقـراء الـلـي تبـيـت=وايدينهـا لـك فالسـمـاء فـكـل لـيـل مشهـلـه
ازهل ابو ضلع (ن) عوج وازهل ابو وجه (ن) شميت=لكـن صـدك ياطويـل العمـر وشـلـون أزهـلـه
اتضيـق بـي ماليزيـا او تتسـع بــي ماهنـيـت=إلا مـعـا ذكــراك فــي وادي يـغـرد بلـبـلـه
نفيتنـي فـي رحلـة المنـفـى لكـنـك مانفـيـت=مقامـك اللـي كــل طــاري للمـعـزة يشعـلـه
من سائل (ن) سؤال يطـرح لـه سـؤال وماعطيـت=جـواب يطـرح لـه جـواب إيحـل لغـز الاسئـلـة
اغيب عنـك شهـر كامـل وانـت مقفـي مادريـت=ولا نـزل عنـدي غـلاك ولا ذبـل فيـنـي ولــه
ومـادام مابـه وصـل بعـد مفارقـك اجـل ياليـت=ياليـت تسمـح لـي اغيـب العمـر عنـك بأكملـه
ذكرتك وطاحت دموعي مـن غـلاك ومـا استحيـت=إلا وقفـت اصيـح فـي دمعـي غـلا واستعجـلـه
ماهو بعيـب إليـا بكيـت اللـي علـى بعـده بكيـت=رجّـال وابكـي لـي علـى رجـال ويـن المشكلـه
بغيـت ارسـل لـك مسـج لـكـن والله ماقـويـت=مـن النبـل تختـار وسيـلـة وصــل مستنبـلـه
احساسي الصادق لا يمكـن ينحصـر قـي كـم بيـت=ولـو ينحصـر فـي كـم بيـت الأجهـزة ماترسلـه
واحساسنا اللي من مفـارق شخـص وإلا فقـد ميـت=بعـض الهواتـف حسهـا مرهـف ماهـي تستعملـه
قصـرت طايلـة الأيـادي ليـن طاحـت واستويـت=اتكـبـل يــدي هيبـتـك وإلا مـاهـي بمكبـلـه
مجرم وسوى له جريمـة يـوم غبـت ويـوم جيـت=زبـن علـي ظلـك لـو ان ظـل الجـبـال يــظلله
ثنتيـن للمجـرم فـشـرع الله واخـتـر مابغـيـت=إما عفـو عنّـه هـل المجنـي عليـه ... او اقتلـه
ياصاحبـي يامحـزمـي ياقـدوتـي انــا غـديـت=علـى طريـق المايـل ومالـي عـذر غيـر أعدلـه
والعـز ماهـو بشـت واخويـا وكـم برميـل زيـت=العـز جــدك ورّثــه لابــوك وانــت تكمـلـه
واللي سرى في ليل (ن) اسود موحش من دون ليـت=ماهي تهّمه عوية (ن) مـن ذيـب فـي راس اجبلـه
ياكم صباح (ن) قد غبشـت وكـم ليـل قـد سريـت=وانــا اكتـوفـي بالحـمـول الكـايـدات محمـلـه
ماهو بمسـرى واحـد (ن) ودع هلـه عنـد المبيـت=ولا خذالـه ساعتـيـن إلا وهــو فحـمـا هـلـه
سريتها مسرى الملـك عبـد العزيـز مـن الكويـت=حتـى حكـم نجـد المسمـى مـن علّـوه لأسفـلـه
وإليـا نويـت اقـول باسـم الله إليـا منـي نويـت=ويثـور مـوج البحـر والربـان يثـبـت محمـلـه
متعـود أنـي لاحكيـت اجهـر بـرايـي لاحكـيـت=ولا أفـكـر فالسنـيـن المـاضـيـه والمقـبـلـه
ماحـد (ن) يحـط فقبـر احـد بغيـت او مابغـيـت=وان حط احد فـي قبـر احـد كـل يحاسـب بعملـه
..
وسلامتكم
اتمنى انه حازت على قليل من اعجابك
واتمنى انها تكون خير تعويض من قصيدة لـ ( اوقا اوقه ) و ( البطيخ والعلي ولم)
التي اجدها اقل بكثير من شاعر بحجم محمد اطال الله في عمره
04-11-2007, 06:02 AM
ربعي ( يام ) من فوق الهقاوي .. ابن الذيب
العرض العادي
