يابنت انا ماني كـذا وظنونـك تكـذّب عليـك .... كلي عيوب وما قوت تخجلني ظنونـك واتـوب

[ريــــــانـه العــــود]

السلام عليكم

قصيده اعجبتني لـ طلال عبدالعزيز الرشيد الله يرحمه

وان شاء الله تعجبكم

يابنت انا ماني كـذا وظنونـك تكـذّب عليـك=كلي عيوب وما قوت تخجلني ظنونـك واتـوب
أكذب عليك ودوم أخونك وألبس الأبيض واجيك=وأعشق معك ألفين وجه ويمتلي صدري قلـوب
أحلى الكلام أقول لك لـو قلتـه البـارح لذيـك=ياقف على شفاهي معك مراهق ٍ صـبٍّ لعـوب
اكذب ولا ادري ليه اكذّب أعشقك مـا أرتجيـك=أخاف من صدق الحقيقه في الهروب من الهروب
والله أحبك واعشقك واعرف زمان إنـي أبيـك=لكنهـا هـذي الحيـاه اتعلّمـتْ منّـا الذنـوب
العين عجـزت تعتقـك القلـب عـيّ يشتريـك=في السجن خيّال ٍ في الصدر رجال ٍ كذوب
هذي الحقيقة ما يجي في الكون أطهر من يديـك=وآنا الذي أنقض وضوء الغيم والمـا والهبـوب
أنقل عيوبي فوق متني وانتي لك عيبك شريـك=وباكر تبسّم لي وجيه ٍ لـك يعبّسهـا الشحـوب
يا بنت ترىْ حنّا كـذا وظنونـك تكـذّب عليـك=يمكن يجي يوم ٍ يجي أخجل من ظنونك واتـوب

أختكم
ريـــــــــانه العـــــــود