هـــــ غــرامــــي ــــــذا .....!!

[عبرة وداع]

السلام عليكم ورحمة الله وبركاته

من العايدين الفايزين تقبل الله منا ومنكم صالح الاعمال

يطيب لي ان اضع بين ايديكم هذه الفاتنه اتنمى ان تصل لمستوى ذائقتكم وان تنال على استحسانكم

لشاعرهااااااااااا محمد البلاااااااااااااجي



يا سعود عقلي ماخذتـه الغراشيـب
اللي صغيـر العقـل عقلـه خذنّـه

ياسعود عشقي نايفـات المراقيـب
هـذا هـوا بالـي وهـذا مغـنّـه

أسقيت تسبدي صافيات المشاريـب
عِد(ن) تسبـود اجسادهـم حرمنّـه

عوّدتهـا شـرب الـدلال المعاذيـب
فنجـال بـن معطّـر الطيـب بنّـه

وغضيّت طرفي عن بيوت الاصاحيب
عاده وشيمـه تقتفـي تَبْـع سنّـه

وحرّمت شوف مشذ ّبات الجلابيـب
ثـوب الحيـا سِترالمهـا يفصخنّـه

تحـرم عليّـه عاشقـات المكاتيـب
اللـي غـرام احبابهـن يجهـرنّـه

ماالد عينـي للضلـوع المحاديـب
ورموشهـا نجـم الثريّـا هـونّـه

أعزّها عن شوفـة اهـل التخاريـب
اهـل القلـوب الحاقـدات المخنّـه

رَبـع الدنيّـه ناقليـن الاكـاذيـب
شذ ّابـة المقفـي خسـاس الاكنّـه

حسّادة الصاحب صغـار المناكيـب
ا كفوفهـم عِـد الـروى يقصرنّـه

ماتستوي ياسعود روس وعراقيـب
والعـز تـاج(ن) روسنـا يحملنّـه

أنـا غرامـي مكرميـن الاشانيـب
خوّة هل الصـولات للـروح جنّـه

حمّاية المضهود شـوق الرعابيـب
سِتـر العـذارى مروييـن الاسنّـه

ريف الضعيف مكثّريـن التراحيـب
للضيـف لويذبـح حداهـم مظنّـه

أنا غرامـي ياعطيـب المضاريـب
بنـت الرجـال معرّبيـن الاجـنّـه

فالطيب ذايـع صيتهـم للاجانيـب
ا صغيرهم روس النوايـف شَرنّـه

غرو(ن) وصوفه ثامنات التعاجيـب
مثلـه نسـاء الكـون ماينجبـنّـه

الرمش كاحل والسواعد مخاضيـب
كـن الشمطـري فالسواعـد مقنّـه

والعنق ناحل لااستحـث المطاليـب
فـزّت جواب(ن)،والنواظـر عمنّـه

والخد جمر(ن) عذ ّبتـه اللواهيـب
غَض(ن)رهيف(ن) منبع الكاد منّـه

مضمورة السرجوف شوق الخطاطيب
مزيونـة المنطـق والافعـال هَنّـه

مِنْ شوفها طب الجروح المعاطيـب
يفدا هواهـا الغيـد واللـي رمنّـه

تشتاقها عين(ن) نَعَسهـا تغاصيـب
شوق العقيم اللي حظوظـه عصنّـه

هذا الذي لاجلـه تسـاق المناديـب
أجمل خيول الشعـر بيتـه نصنّـه

هـذا غرامـي ياحصـان الاطاليـب
هـذا غرامـي والبيـوت شرحنّـه

[فزاع]

صح الله لسانك

والله لايهينك ياجفلاء

وقصيده جدا رائعه وفيها من الوتر القديم
واحساس القصيد الاول امثال بن سرور والعطاوي

مشكوره ويعطيك العافيه

[فلاح بن جمل]

ياسعود عشقي نايفـات المراقيـب
هـذا هـوا بالـي وهـذا مغـنّـه



لاهنت على مجهودك الطيب يا جفلاء ..

ولكـ جزيل الشكر ..

[صـــبـــــــــا]

قصيده روووعه اختي جفلا
تسلمين على النقل المميز
صح لسان شاعرها محمد البلاجي
وسملت ايدينك يالغاليه عليها
دمتــــي بــود

[Najla]

الرمش كاحل والسواعد مخاضيـب//كـن الشمطـري فالسواعـد مقنّـه

والعنق ناحل لااستحـث المطاليـب//فـزّت جواب(ن)،والنواظـر عمنّـه

والخد جمر(ن) عذ ّبتـه اللواهيـب//غَض(ن)رهيف(ن) منبع الكاد منّـه


^^^
^^
^

صــــــــح السآآآنـ محمد البلااااجي..

وصـح نقـلك يآ جفلآء .. ولآهنت على ذالقصيـدهـ ..

تحيآتىي لك ّ .. ..

[عيد بن شدقان]

وعليكم السلام



صح السان الشاعر ،،،محمد البلاجي



جفلاء

نرحب بش معنا من جديد وحياش الله



وتسلمين

اختيار رائع


الله يعطيش الف عافيه

[جطلي بن فهد]

وعليكم السلام ورحمة الله وبركاته

الاخت الكريمه

جفلاء

لاهنتي

والله يعطيك العافيه

وصح لسان الشاعر

لاتحرمينا من جديدك

[عبرة وداع]

المشاركة الأصلية كتبت بواسطة رمان

صح الله لسانك

والله لايهينك ياجفلاء

وقصيده جدا رائعه وفيها من الوتر القديم
واحساس القصيد الاول امثال بن سرور والعطاوي

مشكوره ويعطيك العافيه

صح بدنك طال عمرك وبيض الله وجهك

ولا هااااان قايلهااا

الشكر موصول لك بتشريفك العذب

لك مني ارق التحايا واطيبها

سلمت ولا هنت

[عبرة وداع]

المشاركة الأصلية كتبت بواسطة كنترول العجمان

ياسعود عشقي نايفـات المراقيـب
هـذا هـوا بالـي وهـذا مغـنّـه



لاهنت على مجهودك الطيب يا جفلاء ..

ولكـ جزيل الشكر ..

ولا هااان قايلها

الشكر موصول لك بتشريفك العذب لمتصفحي

لك مني فائق الاحترام والتقدير

سلمت ولا هنت