الصبي وان طاب طيبه من خواله

[علي العجمي]

http://www.up.00op.com/data/visitors...1829504226.jpg


الولد لاطاب طيبه من خواله..
________________________________________

الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

السلام عليكم ورحمة الله وبركاته

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..
حتى اصبح مضرب مثل يتداوله كثير من الناس ..
قائل هذين البيتين ..
الشاعر / راشد بن حسن بن مانع بن رحيان الضاعني العجمي الملقب بـ ( ابن الذيب ) ..
وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..
راشد بن حسن .. كان يشتغل في شركة ارامكوا السعوديه .. وكان يملك سيارة الشركه (جمس ارامكوا ) ..
وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..
حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..
ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..
جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..
وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي ..
انا جالسه هنا انتظر ( ابن الذيب ) ..
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن الذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. للشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..



وقال هذى القصيده .

قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي

قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي

حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي

لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي

أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي

الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي

والــردي فــي حـالـةٍ مـاهــي بـحـالـه
واعـويـنــه مــــن كـــلام الطيـبـيـنـي

الـــردي لـو بـــان مـايـذكـر عـمـالـه
مـايـعـد الـــلاش مـقـصـور اليمـيـنـي

أركـبــه لـعـيـون مـــن زيـــنٍ دلالـه
ماتـحـاكـوا فـــي قـفــاه الرامـسـيـنـي

مابـغـى غـيـري وانــا مابـغـى بـدالـه
.قـاعــدٍ لــي بـالـرجـا مـــدة سنـيـنـي

الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي

أشـــرب الفـنـجـال واكــــب الـبـيـالـة
تــابــعٍ سـلـمــي ســلــوم الأولـيــنــي

ولاقـعـدنــا بـالـعـمـل بــنــا الــرزالـــة
.نـاخــذ العـلـيـا طــريــق الفـايـزيـنـي

غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي

كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي

مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي

الـثـنـا والـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي

جـوّد الـعـلـيـا ولـزمّـهــا عـيـالـه
وادركــوا مــن علمـتـه دنـيـا وديـنـي

واهني مـن بـاع حظه واشتـرى لــه
وسار في درب النبي وأخزى اللعيني

مـوقــفــه مـاكـل رجـال يــنــالــه
مــن بـغـى مـمـشـاه يـقـعـد مرتـيـنـي

كـم ذبـح مـن حـايـلٍ مــن حــر مـالـه
وعـادتـه لـطـمـة خـشــوم العايلـيـنـي

و البيتين اللي بأول الموضوع يقال انهم محرفين.. والبيتين الصحيحين كما ذكروا فالقصيده ..

وللمعلومية::الشاعر راشد بن الذيب هو والد الشاعر المعروف حاليأ

محمد ابن الذيب
منقول للفائدة

[@الشيــــــــــــنه@]

الله لايهينك والله يرحم شاعرها

ولكن القصه مكرره

وهذا الرابط

http://www.alajman.net/vb/showthread.php?t=41667

والسموحه

[الناهم]

شكراً لك اخي الكريم علي العجمي على هذا المقال
اخوك الناهم

[الناهم]

شكرا لكم يا خواني كرام على هذي المقالات الجميله
اخوكم
ا
ل
ن
ا
ه
م

[عبدالله بن عريمان]

السلام عليكم ورحمة الله وبركاته

علي العجمي

مشكور علي الابيات الجميله والقصه الرائعه

تقبل مروري

[جطلي بن فهد]

السلام عليكم ورحمة الله وبركاته

اخي الكريم

ملاحظتي الاولى هي
ان الشطر الي يقول فيه
الصبي وان طاب طيبه من خواله
ليسس صحيح

لا الصحيح
الولد وان طاب طيبه من خواله

وشاكرلك هذا النقل الرائع والله يرحم شاعرها

اما بالنسبه للاخت الكريمه الحشاشه

تقول انه مكرر انا من رايي اني شفت الموضوع الثاني القصيده فيه مهيب كامله
ومختصره

لذا فضلت بقائه

الله يعطيك العافيه

[AgMi.cOm]

السلام عليكم ورحمة الله وبركاته

الشطر الثاني من القصيدة غلط ...لانه منتشر عند الناس (خايبيني)
________________________________________



الصبي وان طاب طيبه من خواله... وان تردى فعلم انهم خايبيني
أشرب الفنجال واكب البيالة... طيـبٍ واحـب سلـم الطيبينـي

الخلل في
وان تردى فعلم انهم خايبيني

الصح ماني بحافظه وان شاء الله يذكره احد يمر على الموضوع او انشد راعيها ...والكلام ذا ماهوب كلامي ..كلام محمد بن الذيب بلسانه لي وهو اخبر واحد بقصيدة ابيه...

شكرا على النقل وماقصرت

[كلاش]

السلام عليكم ورحمة الله وبركاته

علي العجمي

مشكور علي الابيات الجميله والقصه الرائعه

تقبل مروري

[@الشيــــــــــــنه@]

المشاركة الأصلية كتبت بواسطة سماوي بن نجم

السلام عليكم ورحمة الله وبركاته

اخي الكريم

ملاحظتي الاولى هي
ان الشطر الي يقول فيه
الصبي وان طاب طيبه من خواله
ليسس صحيح

لا الصحيح
الولد وان طاب طيبه من خواله

وشاكرلك هذا النقل الرائع والله يرحم شاعرها

اما بالنسبه للاخت الكريمه الحشاشه

تقول انه مكرر انا من رايي اني شفت الموضوع الثاني القصيده فيه مهيب كامله
ومختصره

لذا فضلت بقائه

الله يعطيك العافيه

وعليكم السلام سماوي

اولا الاخت الشينه وليس الحشاشه ..

وثانيا الموضوع هو هو ماتغير ونفس الاغلااااط للاسف


لكن انت ماركزت ع الاسم شلون بتركز ع الموضوع


تحياتي

[علي العجمي]

الف شكر الاخوة والاخوات على مروركم وردودكم وانا ما انا الا احد الكتاب في هذا المنتدى العريق تحياتي للجميع