لاهنت يـا راس الرجاجيـل لاهنـت -مرثية الامير خالد الفيصل في والده

[علي العجمي]

هذي مرثية الامير خالد الفيصل في والدة جلالة الملك فيصل رحمه الله .......رااااااااائعة


--------------------------------------------------------------------------------

لاهنت يـا راس الرجاجيـل لاهنـت
لاهان راس(ن) في ثرى العود مدفون

و الله ما احطّك بالقبـر لكـن آمنـت
باللي جعل دفـن المسلميـن مسنـون

منزلك يا عز الشـرف لـو تمكنـت
فوق النجوم اللي تعلّت علـى الكـون

سكنت دار المجد يا شيـخ و اسكنـت
شعبك معك في منزل العـز ممنـون

صنت العهد يا وافي العهد مـا خنـت
علمتهم وشلـون الاشـراف يوفـون

كم ظالم(ن) عاداك و اعفيت و احسنت
و اخلفت ظن جموع ناس(ن) يظنـون

شلت الامانه حافظ(ن) مـا تهاونـت
شفنابك رجال(ن) على النفس يقـوون

ياللي طلبهـا الملـك بالحـب زيّنـت
عرشك بتاج قلوب شعب(ن) يحبـون

لوّنت تـاج الملـك مـا قـد تلوّنـت
ما غرّتك دنياك مـا صـرت مفتـون

بالزهد و المعروف والصبـر كونـت
منهاج فيصل منهـج اللـي يعذلـون

تلفّتت روس المخاليـق ويـن انـت ؟
وين العظيم ؟ و عوّد الشوف مطعون

كم خافق(ن) وقّف عقب مـا تكفّنـت
وكم ناظر(ن) ذوّب سـواداه معـزون

لو شفت حال النـاس عقبـك تبيّنـت
مقـدار حـب النـاس للـي يـودّون

مما بقلبـي قلـت : يابـوي لاهنـت
وإلاّ انت فوق القول مهمـا يقولـون

منقوول رحم الله جلالة الملك فيصل ووالدية واخوانه وابناءه ورحم الله اموات المسلمين وسلمت يداك ياخالد الفيصل هذه المرثية في ملك عظيم

[دوسري يحب العجمان]

ابيات من اجمل ابيات الرثاء التي رثي بها الملك فيصل رحمه الله

من شاعر مبدع مثل الامير خالد الفيصل

اخوي علي العجمي احسنت في انتقاء واختيار الابيات الرائعه والجميله

وهذا يدل على الذووق الجميل

وتقبل تحياتي...

[عبدالله بن عريمان]

السلام عليكم ورحمة الله وبركاته


صراحه ابيات رائعه والله يرحمه انشالله ويرحم اموات المسلمين

وصح السان الشاعر الكبير خالد الفيصل


ومشكور اخوي علي العجمي

علي نقل الرائعه

تقبل مروري

[@بنت الشيوخ@]

صح الله لسان الشاعر الامير/خالد الفيصل..

وصح لسانك وطاب نقلك...

الله يعطيك العافيه..

تقبل تحياتي...

[ترف الصبايا]

مرثيه رائعه وصح لسان الامير

يعطيك العافيه على الاختيار الرائع

[الوزير]

الملك فيصل والله ما يكفيه مجلدات من المرثيات

[ريــــــانـه العــــود]

علي العجمي



عاد خالد الفيصل كلمه روعه شوي عليه

صح لسانه

والله يعطيك العافييييييييه على هالمرثيه

[علي العجمي]

اشكر كل من تفضل بالاطلاع وقام بالرد

[نـاصـر]

رحم الله فقيد الأُمتين الإسلاميه والعربيه

وصح لسان الشاعر خالد الفيصل

لاهنت ياعلي العجمي