قالت: وصل.. أنا أدلعك وصول
قلت : إركدي . ماقلت لك دلعيني
قالت: علامك؟ قلت : بلاي مشغول
كم ليلةٍ مايكحل النوم عيني
هموم وقتٍ وش أخلي وش أقول
الله على سود الليالي يعيني
ماليبها طاقة وقوة ولاحول
وأخاف لو ناصيتها توتطيني
ماغير أناحر للقصايد علىطول
أزبن وكنّي زابنٍ والديني
عهدٍ عليّ إني لأقول أحسن القول
وإنّي لأسوي كل بيتٍ ثميني
أبنيه بالمرجان والدرّ واللول
وأعطره بالورد والياسميني
والشعر مايبغى عزيمة ومرسول
فــ أطرف مكان أجيه وإلأ يجيني
إن رحت له ماأحصل الباب مقفول
وإن كان جاء ماجاني إلا يبيني
أكرمه على قوانين ووصول
وأدخله مجالس الغانميني
مجالسٍ ماطبّها كل مبدول
مخصصة لأهل السمن والسميني
ويمشي معي في الدرب محفول مكفول
خوة رجال لبعضهم محتميني
على يميني حيثما أصول وأجول
حيّ العضيد وحيّ ذيك اليميني
وصل العطياني
20-01-2004, 10:06 AM
العرض الشجري