الشاعر \حمد ذيب المهان (ملخج)

[صقر همدان]

هذي روعه من روائع الشاعر الكبير \حمد بن ذيب المهان (ملخج)


[i]البارحة من بد جمع الليالي =أمسيت سهران" عيوني شقيات
قمت آتوجد وجد راعي متالي=ضدوة عدوانة وطقوة بهوات
وآون ونة من ولوة الرجالي =مطلوب دم ولا حوالية فزعات
من هاجسن في خاطري سم حالي=بدار المهونة بعد دار المسرات
فقدت شوف مشرعات الدلالي=في مجلس" يشغل بها كل كيفات
يابو))حمد((يابعد من غدى لي=هات القلم والبوك بأكتب رسالات
وقرب لنا جيب" على شف بالي=يقرب الأمثال لو هي بعيدات
ليا مشى غبى الغبار الظلالي=ويجعل مسير اليوم في ست ساعات
ينصى اللي من بدة الربع غالي عود" عسى تغفر ذنوبة ليا مات
هو شيخنا حماي عرب المثالي=وعقيدنا ليا صار للحرب شلات
في الحرب يتلونة قروم الرجالي=نواست دار الحفيف البعيدات
فطيحية" تروي رهيف السلالي=كم قرم قوم" في دقل لابتي مات
دواسة الأخطار ماهي تبالي=حرابهم دوم" بخاطرة حسرات
وسقوة الكدر عقب شرب الزلالي=ومن وقع ربعي شرب كاس المرارات
هذي سوالف يام ليا جاء المجالي=سوالفن صارت وعندي لها إثبات
وختامها باللي رؤوف" بحالي=رب البشر عالم جميع الخفيات[/I]

[سعد العرجاني]

أمسيت سهران" عيوني شقيات <<<<<<شلون تركب

امسى يعني رقد شلون يقول بعدها سهران لكن اجيز القصيده


صح لسان الشاعر حمد المهان ولاهنت على النقل

[@بنت الشيوخ@]

صح السان الشاعر حمد...

ولاهنت

اختيار رائع وذوق راقي



الله يعطيك الف عافيه

[صقر همدان]

يعطيكم العافيه على الردود



لاكن يا اخوي سعد يقول(( امسيت سهران ))يعني ماامسى الى بعد ما سهر

[علي أل فطيح]

الله لايهينك ياصقر على القصيده