الليله هـذي واضحـه ليلـة افـراق=حـاولـت اعديها وعـيّـت تـعـدي
اظـروف ما تنطـاق ولا راح تنـطـاق=صد القدر ماهـو بـصـدك وصــدي
تعال اخذنـي بيـن اياديـك مشتـاق=قبـل انتفـارق حـط يـدك بـيـدي
بجلس معك ساعه حبايـب وعشـاق=مـن بعدهاكيفـك ولوصـرت ضـدي
فيني خليط اشواق باشـواق باشـواق=واصل معك من كثرت الشـوق حـدي
ودي ألمك واحضنك حضنـت عنـاق=ياشيـب عينـي كـل ماقـلـت ودي
في خاطري وش خاطري خاطري ضاق=الكـون كلـه ضـاق ماهـو بـقـدي
حتى الدموع اللي استحت كبرواخـلاق=تساقطت مـن فـوق خـدك وخـدي
لوحة شعر تبكي على بيـض الاوراق=بيّحـت فيهامـن ردى الحـظ سـدي
ليلـة جفا و افـراق ما مثلـه افــراق=حاولـت اعديهـا وعـيّـت تـعـدي
الشااعر ثامر شبيب الرشيدي
17-08-2007, 08:12 AM
ليلة افراق<< ابداع ثامر الدقباسي
العرض العادي
