عيـــــــد مــــيلادكـ

[@الشيــــــــــــنه@]

السلام عليكم

قصيده عاجبتني وحبيت انقلها لكم ..

واللي عيد ميلاده اليوم اهداء < بس اليوم يعني

الوقت وش فيه ميّت حيل ومْهدّي ؟
ما يدري إني وصلتك قبل ميعادك

لو فرحتي باللقا ما جاوزت حدّي
ما كان شفت العنيد يْموت ف/اعنادك

وش اترك اليوم لعيونك وش آبدّي
والشعر لو يجتمع ل/رضاك ما زادك

وإن قلت لي ( ليه جيت ؟ ) ومنتظر ردّي
بـاقول جيت اسعدك واشيل ما كادك

من قدي العام وقبل العام من قدّي
وانا احتفل بي معك في عيد ميلادك!

واليوم رابع سنه .. وايديك في يدّي
وتكبر معك لهفتي .. وتْغيض حسّادك

غلاي ما هوب فرحة يوم واتعدّي
غلاي ل/اخر سنينك ملحك وزادك

لا تشغلِك دمعةٍ مرّت على خدّي
إفرح .. حرام الدموع إتشوّه اعيادك!

ربي خلقني كذا .. واشغلت بك ودّي
ما كني ألا خِلقت أدوّر إسعادك!!

إذكرني بخير .. وإنسى سالفة ( بعدي )
وإنساني العمر كله .. حاكم ابلادك

وإليا ظهر لك من الهافين متحدّي
قلي وقله وش اللي للهوى قادك

والحزن لو زارني في مزحي وجدّي
أخاف لا رحت عني صعب معوادك

أنا ادري إني بعينك ما خِلِق ندّي
وفي القلب قيّدتني ومْجوّد اقيادك

بس الهواجيس فيك تْجيب وتْودّي
تغتال جمعٍ يخطط عام ل/إبعادك
أشوف منه النوايا السود .. واعدّي
وابدّد احلامهم .. واحقق إمرادك

ولو الظروف إقعدت لي والبخت ضدّي
يكفيني احيا بقلبٍ فيه مقعادك

ودي أهاجر معك وإن كان ما ودّي
ودي تهاجر معي عمرين .. واعتادك
|
لا تْقول فرحة خوفقي بيّحت سدّي
قل هاجس البعد يابن الناس ما فادك!!

واتركني اختال بك كل يوم يا ودّي
من عيد ميلادك إليا عيد ميلادك!

[dont play with me]

الله الله


قصيد في قمة الروعه والجمال

ياليت عيد ميلادي اليوم


لا هنت يا مفاتيح الزين على النقل الاكثر من رائع وشكرا

من قدي العام وقبل العام من قدّي
وانا احتفل بي معك في عيد ميلادك!

،،
،،
،،

من قدي

[حضريه عمها بدوي]

ياسلام سلم

شيون شكلك تدرين عيدميلادي12-8 ههههههههههههههههههههه


صح الله لسان قايلها


وتسلم ناقلتها

[برقع الصقر]

ربي خلقني كذا .. واشغلت بك ودّي
ما كني ألا خِلقت أدوّر إسعادك!!


يــاااي رووعــه

صح لـساان شاعرهــا

تسلميـــــن يا الــزينــه انـتي زيـنه وكل ما اجيبيــنه زين < يعني غـيري اسمــج

تقــبلي مـروري

[gravity]

وانا بدوري احب اهدي هالقصيده لختي حض حض واقولها كل عام وانتي بخير يالغلااا( مقدما)

واقول لشيون وش ذا الزين وش ذا الزين ؟

بصراحه ابيات اكثر من رائـــعه !!


صح السانج والسان قايلها ..

لاهنتي على النقل ..

[بندر]

شينه

لاهنتي على النقل

وتهدين البل

[عيد بن شدقان]

الشينه


اختيار جميل


تسلمين


والله يعطيش الف عافيه

[حضريه عمها بدوي]

المشاركة الأصلية كتبت بواسطة الســــــــولعيــــه

وانا بدوري احب اهدي هالقصيده لختي حض حض واقولها كل عام وانتي بخير يالغلااا( مقدما)

واقول لشيون وش ذا الزين وش ذا الزين ؟

بصراحه ابيات اكثر من رائـــعه !!


صح السانج والسان قايلها ..

لاهنتي على النقل ..

تسلمين يالسولعيه

وانتي بخيروصحه وسلامه




ومره ثانيه تسلمين يالشينه على القصيده الروعه

[بــ راكان ــنت]

لا تْقول فرحة خوفقي بيّحت سدّي
قل هاجس البعد يابن الناس ما فادك!!

واتركني اختال بك كل يوم يا ودّي
من عيد ميلادك إليا عيد ميلادك!


الله الله
صح لسانك شنوّ ولسان شاعرها
بصراحه اختيار قمة في الجمال ,, كا جمال ناقلة القصيده,,

لاهنتـ ِ


Dr.Corvette

[سلطااان العتيبى]

الشينه






صح السانج والسان قايلها ولاهنتي على النقل المميز





وتقبلي مروري