اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

[جطلي بن فهد]

~~ خارطة الطريق ~~

يا ذا الجلال اللي عروشك فوق واملاكك حدر=ومهماً تسامت به عروشه مستحيل يطولهـا
يا حـي يـا قيّـوم يـا ذا الأنافـة والكبـر=ما نافسك في عظمتك مكر العبـاد وهولهـا
وما نافسك من عمّر بيوته على سطح القمـر=واللّي ترسي فوق اقاليـم الميـاه سطولهـا
ما انته بحاجة من عبد ولا بحاجة مـن كفـر=ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر=واللي ما يشكر نعمة المنعم عليـه تزولهـا
ياذا الجبروت العظيـم ويـا القديـر المقتـدر=تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور=أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر=شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر=اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر=وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر=وسلام يا سبع الآفـاق أطلالهـا وسفولهـا
سلام يا صدق النوى سلام يا وسـع الصـدر=سلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر=وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر=وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر=مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر=ما تضمحل من الزمان ولا نشوف سمولهـا
و ياليتنا لاما سرحنا اليوم الأبيض من فجـر=تبطي عبات الليل ما تضفي عليـه سدولهـا
ولاّ ليامنهـا ضفـن سدولهـا يطلـع بـدر=يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر=والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر=مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر=والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر=يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر=ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر=للي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر=وتشفع لبيضان الصدور احضوضها وفعولهـا
واهل التكلف بالمعرفـة والتصنـع بالبشـر=والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر=حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

من اروع ماقرات لابن جدلان

اتمنى ان تحوز على ربع اعجابكم كما نالت على اعجابي كاملاً



اخيكم
سماوي بن نجم

[شرطي بدون رتبه]

السلام عليكم ورحمة الله وبركاته

سماوي
صح الله لسانه وتسلم يديك على النقل

اخوك

[الاحرش]

صح الله لسانه وتسلم يديك على النقل

[@بنت الشيوخ@]

صح الله لسانك....ولسان شاعرهااا,,,لاهنت ياطيب على نقلك الاكثر من رائع...

لك شكري واعجابي...


أختكـــ

[راجح الفهادي]

حنا عرفنا كلنا ما طـال مـن شـيء قصـر=والأحلام ماتوا قبلنا شرهين ما وصلـوا لهـا
حتى الجمال اللي تحمّلهـا الهقـاوي بالصبـر=يالله بحملتهـا تـقـوم وتــدّرج بحمولـهـا

اختيار مميز لشاعر فريد من نوعة انا اعتبر ابن جدلان متنبي العصر
شكرا اخي نجم وتقبل مروري

[جطلي بن فهد]

هلابكم جميع ولي كل الشرف على مدحكم لي وللقصيده


وابن جدلان غني عن التعريف ووهو افضل شاعر عندي


ولاهنتو

[بندر]

فالحقيقه القصيده هاذي من عيون الشعر !

صح السان الكبير ابن جدلان

ولاهنت على النقل

[جطلي بن فهد]

هلابك يابندر ولك جزيل الشكر على المرور

[(عبدالله^العجمي)]

يعطيك العافيه على القصيدة

وصح لسان الشاعر

[جطلي بن فهد]

الله يعافيك
ومشكور على المرور