[هــــــذي عـــــادتــــك .، ]

[حــروف الحــب]

السلام عليكم ورحمه الله وبركاته

وصباحكم / مساكم .. ود .،

بعــد انقطاع لهـذا القسمـ ،

اتـــركمـ مـع الشــاعر القــريب الـــي قلــبي .،


//


[ عبدالله ذويبان ]

دايم و أنا أخطي و أنت تغفر لـي و هـذي عادتـك=تغفر .. ولو ما تلمـس بصوتـي نـدم و الا أعتـذار
يا طيـب قلبـك كـل مـا يسجـد علـى سجادتـك=و يا حلو عفوك كل ما سامحـت و أخطائـي كبـار
تكفـى دخيلـك حطنـي بينـك و بـيـن قـلادتـك=و أرجوك لا تضحك .. تراني صدق منها صرت أغار
مدري من أحسد شوفتـك .. الأهـل و الا وسادتـك=هـذي تضمـك بالمسـا .. و ذولا يشوفونـك نهـار
مـا فادنـي صبـري و لكـن فلسفـاتـك فـادتـك=أنا أشهد أنك صـرت تحكمنـي مثـل حكـم التتـار
يـا ليـت الأشيـا يـوم قادتنـي لحبـك .. قـادتـك=حتى تذوق الشوق .. و الحيره .. و طعـم الأنتظـار
يـا عمـري الباقـي .. سعـادة عاشقـك سعـادتـك=في ذمتي .. تبطي و لـك فالقلـب مقـدار و وقـار
أسف .. أذا كاني غلطـت و جيـت عكـس أرادتـك=و أسف اذا كاني خذلتك دون قصـد .. و بأختصـار:
صدقني أنـك كـل مـا مريـت روحـي .. نادتـك=ما كنها تعرف سوى أسمك .. من كبار و من صغـار
و الله ما أجمل من عتب صوتـك .. سـوى أشادتـك=لا قمـت تمدحنـي .. و تعطينـي أمـل بالأنتصـار
أنت الحنان اللـي نـزل بالكـون .. سـاع ولادتـك=و انا اليتيـم اللـي بدونـك .. دون ربـع و دون دار
من عـادة الدنيـا تجـود .. و يـوم جـادت جادتـك=جيت و نزعت الخوف من قلبي .. و قاطعت الحـوار
متى على الله يقتـرب شوفـك .. و تسكـب سادتـك=و أضم كفينـك .. و ترفـع عـن محيـاك الخمـار
هـاك الغـلا .. و الدمـع خلـه جائـزة نقـادتـك=و أصبر على اللي كـل مـا يفقـدك ذاق الأنكسـار
والفـت قلبـي و استحليتـه .. و روحـي هـادتـك=و أيقنت بأنك صرت أعز أنسان .. و أعلنـت القـرار
قـم لا عدمتـك لا يهمونـك .. تــرى حسـادتـك=في كل بيـت يمـر فـي وصفـك يحسـون بمـرار
و أنت الفريد .. بصحبتك .. و بطيبتك .. و عبادتـك=و بكل شـيء .. و غيبتـك معنـى حقيقـي للدمـار
أموت فيك .. و في غلاك .. و في دلعك .. و عادتك=و أرجع و أقول أني غلطت و جيت أبهديـك أعتـذار

تقــديــري ومـــودتي .،

7rof

__________________
\
/