في رثاء معكام بن طفلان

[ناصر بن ثويني]

السلام عليكم ورحمة الله

يشرفني الانضمام اليكم وهذه قصيده قلتها في وفاة الشيخ معكام بن بجاش بن طفلان

البـقا لله والنـــــــاس تفـــــــــنى ماتــــدوم= لو تـــطول اعمارها لـــوتطول اعمارها
كل نفــس تاليـــــــتها لــــــــها ميعاد يـوم=يوم مايـخلف وديــــــــانها يخـــــــتارها
يوفي الديان مــنها وترقد ماتـــــــــــــقوم= لو لها نفـــــس تـــثاري ماتاخذ ثــــارها
وين ماضين الفعايل طريفين الــــعـــلوم =(((مابـــقا منهم على دارهم ديارها)))
مابقا الا ذكرهم والسوالف والرســــــوم = والرجال الطــــيبه ماتموت اذكــــــارها
احزنتني عبرة عصر تلقاها الكـــــــموم= (((ماينقص ذكر الابــــطال من مــــقدارها)))
مات ابو بجاش معكام والعـــلم مـعــلوم= والعيون من العزا تســــتفيض عــبارها
اشهد انه مات رجال وحـصان قحـــوم=شاف صكـــــات الليـالي وذاق امرارها
فزعته تنشاف في يوم فيه القوم قــــوم=لاقبس راس الفـــــتيله وشــــــبت نارها
فزعة يفرح بها المستضيق من الهــــمــوم=ساعة فيها النــــشاما تـضيع افـــــكارها
من سطر راسه يطش العمامه والهدوم=بالشجاعه والبتاعه يدوس اخــــــطارها
واحد ماهوب مثله لاجا وقــــت اللزوم=عده الفنــــــجال والدلـــــــــه ام بهارها
الحميه عند معكام مكـعام الخـــــــصوم= والمراجل عند مثله ينـــــــومس كارها
نطلب الغفران له من لدن رب رحوم=يوم تكــشف للاوادم جمــــــيع اسرارها
والسما يبقى قمرها تباريه النجــــــوم=والخواطر حضرت ولتــهمت افكارها

ناصر بن ثويني

[بندر]

الله يبح من إبن طفلان ويحلّه ويرحمه رحمه واسعه

وانت يابن ثويني شاعر جزل

صح لسانك

ولاهنت

[(الــــــمحـزم ...@)]

(الله يغفرله ويرحمه بواسع رحمته وجميع المسلمين )
وصح الله لسانك أخي بن ثويني ,,,

[ناصر بن ثويني]

بندر لك شكري
وشهادتك وشاح

[فرز الوغا]

الـــــــــلام عليكم

معكام بن طفلان

يــامـــال الـــجـــنـــــه

والله من فزعه في راسه للـــعــــجـــــمـــــي





نـــاصر بن ثويني

صح لسانك

ولاهنت

[ناصر بن ثويني]

المحزم نشكر مرورك