عطنـــــــي الجوال ........!!!!!

[قبلةالعجمان]

............( بس اعطني الجوال ).............


مريت في تالي الليل بالكورنيش
لقيت لي بنت(ن) في رجلها خلخال

طالعتها وقلت: ياليتني جنبكم باعيش
ردت سلامي وقالت: تعال ممكن سؤال..؟

قالت: وش جابك البحر.؟ قلت: الطيش
قالت: تحفظ السر..؟ قلت: انا رجال

قالت: على موتك ماتقول لو ايش..؟
وقلت: انا لو مت السر ماينقال

لو يتبعوني باكبر لواء في الجيش
السر كلمة شرف في كل الاحوال

قالت: وش يضمن اقوالك ياولد بن ايش..؟
قلت: حطي يدك بيدي ووالله ماينطال

قالت: خلاص اضمن من غير قولة ليش..؟
قلت: اضمني يابنت مفعول الاقوال

قالت: تراك اوعدتني من غير تهميش
قلت: الله اكبر قولي انا مقرون بافعال

قالت: تراك اربشتني اليوم تربيش
مدري تحفظ السر والا هو خبال..؟

قلت: الوعد مني يابنت ماعيش
لو حد عرف سرك من كل الازوال

قالت: كفو والله ولا هو بطراطيش
اكيد انك شهم وفارس وخيال

وتحب قول الصدق من غير تشويش
ولا انت غشاش(ن) وكاذب ودجال

قلت: العفو يابنت ومن غير تهويش
قولي لي الاسرار بالله في الحال..؟

ابغى انا اساعدك من دون تطنيش
حق(ن) علي يابنت والحق ما مال

قالت: انا ضميا وباموت تعطيش
قوم اسقني بالما لا هنت في الحال

قلت: ابشري بالما لو كان ترويش
اجيب ماي البحر حالي وسيال

لكن قلي لي السر من غير تدويش..؟
وانا على عهدي في كل منوال

قالت: ترا سري ياصاحبي تنويش
كنت اختبر معدنك في شيل الاحمال

قلت: يعني هذاك السر قد كان تلبيش..؟
قالت: نعم والله مافيه ماينقال

قلت: الوعد في السبت في اخر الكورنيش
قالت: انا جايه بس اعطني الجوال


........................تأليف/ النمرالعربي















يا جماعه هذي قصيدة خذيهتا من احد المنتديات وانشاء الله تعجبكــــــم