أهلين بالحظور
هذي قصيدة لشاعر سامي العتيبي يارب تعجبكم 
البدايــــة يا حبيبـــي أبتديهـا بالســــلام
يا سلام الله على اللي ساكنة بأقصى حشاي
يوم عيد الفطـــر جينا قاصدٍ لحظة غــــرام
ويا خفوقي في لقاها ابتدأ عالــم هــــواي
بين زين.. وبين عين.. وبين همسات الكلام
المشاعـــر احتوتنـــا .. واحتويتــك يا منـاي
حس شاعر في وجودك انجلى عنه الظـلام
وأشرقت شمس المعاني بالقصيدة مـن وراي
والحروف الشاعرية يوم جتــني ما تــــلام
وكيف أعذرها وأنتِ نور كوني مع سمــاي
والقصيدة يا عيونـي حرفها مثل السهـام
انتخيها من شجونـي وليتهــا تشــرح نـواي
للهنوف اللي تناظر للقوافــي بإحتـــرام
بالعيون "الناعسية " ما يناجيــها ســــواي
وتدري إني في هواها ماخذٍ أعلى وسام
وسامها اللي في يديه أفتخر إنه معـــاي
والنهاية يا حبيبي حان ردك بالســــلام
يا سلام الله عليــكِ يوم كنتِ في لقــــــاي
06-05-2007, 10:52 AM
العرض الشجري