دخليك ياهوي الغربي على قلبي تهب بزين....تراك محمل(ن)بشياء تهز القلب وضلوعه

[الخيال الحر]

دخليلك ياهوي الغربي على قلبي تهب بزين=تراك محمل(ن)بشياء تهز القلب وضلوعه
تراك محمل(ن)بشيا(ن)خفيه مستحيل تبين=ولايفطن لها كون الجريح ملاوع اللوعه
عليك الله وجاه الله تلف يسار ولا يمين=ولاتحيي عروق جروح من عامين مقطوعه
تنحرتك وانا اعرف النتيجه دمعه وبيتين=ومجموعه هواجيس(ن)تخالف هي ومجموعه
وتنفستك وانا اعرفك على روح الشقي حدين=لكن الله ومرك وجابني باقدام مقلوعه
وجودي وجد من خلي يقيده الزمن للدين=عفيف(ن)ما اظهر الحاجه ولافزعوا له ربوعه
والاياوجد حالي وجد من خلي يشوف الشين=يتيم(ن)كلمته لامن شكى ماهى بسموعه
توفى ابيه عاده مابعد هوينطق اسمه زين=وعاس ابلا اخوان وناقع كمه من دموعه
على اللى راح بفوادي وانا ادري ليه وادري وين=وروح روحة(ن)مجبوعة(ن)ماهى بمتبوعه
ملا صدري غلا واقفا وانا ضامي فواد وعين=لونه غير وادعني على اهون من الروعه
وبنى له في الحشى سور(ن)بني فى الصين=يرد العاذل ويحمي ورود فيه مزروعه
حلف لى دين ما ينسى وانا اللى قد عطيته دين=انا ديني على ماهي وهو ماغير طبوعه
على خبري لكني رحت ادور للحقيقه لين=عرفت اسباب ماتقنع وشفت اسباب مشروعه
لونه راح هاجرني على اهون من الثنتين= مراح مايبيه وعبرة(ن)فى الحلق مقروعه
عسي ربي يسامح كل من لهفى الفراق ايدين=سبق سيف الفراق العذل ياروحين منزوعه
دخليلك ياهوى الغربي ترى ماني من السالين =ولو بينت لك ضحكه تراها صدق مصنوعه
دخليلك كــف ولا لــف ولاغير هب بزين = ترا ماهو يعرفك كون انا وملاوع اللوعه

الشاعر_محمد ابن حمد ابن فطيس

[@بنت الشيوخ@]

صح لسااانك ملاييييييييييييييييييييييييييييييين
وصح لسان شاعرنا محمد المري وأشكرك على اختيارك المميز والاكثر من رائع

وتقبل تحياااتي
^
^
^
@بنت الشيوخ@

[زمانك]

صح السانك .. اشكرك على الاختيار الرائع .. قصيده جزله من شاعر جزل

صح الله السان محمد المري مليون








تحيه اعجاب لمن ستحق الاعجاب

[الخيال الحر]

اشكرك اخوي ابو محمد وبنت الشيوخ على مروكم على هذا الموضوع والله يعطيكم الف عافيه

[الاحرش]

صح لسااانه ولسااانك

ولاهنت على النقل المتميز

[الخيال الحر]

اشكرك اخوووووي الاحراش على مرورك على ها الموضوع

الشكر للجميع

[الراعي الرسمي]

صح لسانك ولسان قايلها ولاهنت على النقل
واهنيك على اختيارك لمثل هالقصايد الروعه
تقبل خالص شكري وتحياتي .......

[الخيال الحر]

اشكرك اخوووووووي الراعي الرسمي للمرورك على الموضوع وهذا يعتبر توضع منك طال عمرك وعمر من يمر على مثل ها القصائد الجميله .... وشكرا لك