مـــســـتـــغــــرب !!!

[محمد بن سعود]

قصيده من الصميم

لــ مشاري المري

، ، ،

، ،

،

قد لي ثلاث شهور ولا أربع شهور=وأنا أحاول صنع لحظة وناسه
تنسيني همومي .. وشهّادة الزور=اللي تجمّعهم فلوس البلاسه
بشر !! أحس قلوبهم خلقه !! صخور=لا حزن لا ذرة وفا لا حماسه
صدوقهم يكذب .. ومخلصهم يبور=وأسعدهم ؟! بأفخم قصور التعاسه
شعّار .. لكن مابهم ذرة شعور=ما يشعرون إلا بحبه وكاسه
مانيب مغرور !! ويقولون مغرور=عشاني أعطي كل واحد مقاسه
وأضحك .. وأنا دمّي من حكاهم يفور=ضحكه بها حكمه وطيب وسيياسه
عشان ... ما يخطي علي شخص مقهور=منبوذ عند أهله وربعه وناسه
على العموم .. الكذب ما يحجب النور=والظلم يامن حقد ولاّ نحاسه
ياااااقلبي اللي كنت بالعشق معمور=وإذا سكن بك عمس يرحل عماسه
أنا أدري إنك صرت مظلم ومكسور=يوم الحزن خلاك كرسي رئاسه
ماااااجور ياقلبي من الحزن ماجور=الصبر منهج .. والمآآسي دراسه
ياقلبي محاكيك ؟! بالحزن مغمور=لكنّه يقاوم بصيته وباسه
قاوم ولا تبدي له الضعف والجور=وأصبر صبر من صادق الحزن حاسه
محتاج روضٍ ثلث ما ينبت زهور=ماداج به شاوي وموتر عساسه
روضٍ على كثر الزهر فيه !!! ممطور=كنّه لوبل الغيم مخلوق طاسه
أبكي به إبعيدٍ عن مكابر وشور=اللي يحسب إن الخيانه ؟! فراسه
عليك ياللي عند مغليك مشهور=ياصاحب أطهر وجه .. وأحلى مباسه
مباسةٍ تحرس حلاااواا وبلّور=داخل طبق كيكه عليها حراسه
من دونها بيبان مقفوله وسور=وعاذلٍ يحشم على شان ساسه
يابو العيون اللي لا حولٍ ولا حور=لا شافها النعسان ودّع نعاسه
مستغرب !! إنه ما حصل مني قصور=وأقفيت مني يالطيف !! بشراسه
وأشبهت عقبك بيت من طين مهجور=تمسك بناسه .. وخلّوه ناسه
لكن بما إني أعشقك !! روح .. معذور=الله معك لوّك خذيت الوناسه

[الــحـشـاشـــه]

حجز أول

علـى العمـوم .. الكـذب مـا يحجـب النـور
والـظـلــم يــامــن حــقــد ولاّ نـحــاســه

,,

مـاااااجـور ياقلـبـي مــن الـحـزن مـاجـور
الصـبـر مـنـهـج .. والـمـآآسـي دراســـه

روووعـــه ..

صح لسان شاعرهـا ..

وسلمت يمينك يامحمد على النقل الطيب والاختيار الرائـع ..!

تقبل تـحياتي

[بندر]

مشاري المرّي من الشعّار اللي يرتقون بالمفرده

لاهنت يـ أبوسعود

عاجبتني إختياراتك ذاليومين

[خالد النعيس العذاب]

صــــح اللًــه اللــسان شــاعـرهــا ...


واللًــه لايـهيـــنـك عـلى الـنقــل وتـســلـم يـمــيـنـك ...

[خالد النعيس العذاب]

صــــح اللًــه اللــسان شــاعـرهــا ...


واللًــه لايـهيـــنـك عـلى الـنقــل وتـســلـم يـمــيـنـك

...

[عيد بن شدقان]

صح السان الشاعر/مشاري المري


ولاهنت يابو سعود

وكما عودتنا دائما اختيار راقي


الله يعطيك الف عافيه

[حمود بن فطيس]

لاهنت يامحمد على هذا النقل اللجميل

للاخ مشاري المري


قصيده قد اطلعت عليها وسوف اطلع عليها كلما اراها

لقوة معناها



لاهنت مره اخرى


تقبل تحيات مودعك


حمود بن فطيس

[بري حالي]

لاهنت يابو سعود والله يبيض وجهك

[الاحرش]

صح لسااانه ولسااانك

ولاهنت على النقل المتميز

[ناصر بن فالح]

الله الله

صح لسااانك ولسااانه

لاهنت على الاختيار الرائع