اداري عبرةٍ ضامت عيوني والعيون تضام / لـ مدغم بوشيبه

قبلة العذارى · #1 12-04-2007, 02:15 AM

سلام عليكم ورحمة الله وبركاته

واسعد الله اوقاتكم بكل خير

< من طول الغيبات جاب الغنايم

العذر والسموحه عن فتره غيابي

قصيده اعجبتني كثير للمبدع مدغم بوشيبه السبيعي عسى ان تنال على اعجاب ذائقتكم وتلاقي قبول

سلام الله علـى ظلـم الفـراق وقسّـوة الأيـام=عسى ربي يسهلّ لك طريقـك وتحيـا وتـدوم
رح ووجهك بياضه من بياض الصبـح ماينـلام=وانا من مدّة ايدين البخـت يرضينـي المقسـوم
وش بيدّي وقف حظ الفقيـر وماتـت الأحـلام=إذا حبّك من أوّل يوم وفراقـك مـن أوّل يـوم
رقبتي قفلتين وسيـف هجرانـك مسيـرة عـام=جلدني وأنكرتي ملحة العشـره وربعـي قـوم
يهونها لـو أن الحـظ يسّلـك مسّلـك الأقـدام=ماكان أوصل حدود الأرض وأعوّد وأنا محروم
تصافق لك معاليق الضماير يا بعـد مـن قـام=وخلاني خصيم لوسعة الصـدر ولذيـذ النـوم
أداري عبرةٍ ضامت عيونـي والعيـون تضـام=وأكبّر هقوتي لا كبرت الشرهـه وكبـر اللـوم
ياويلي من مناديب الضنـون وطرقـة الأوهـام=تساويني معك في خانـة المحمـود والمذمـوم
تشوف أنّك على حد اليمن وتشوفني في الشـام=وأشوف أنّا على وجه الحياه أثنين تـوم وتـوم
تذكّر وأنت عنّـي بعـد الأبـوّه عـن الأيتـام=رهين الغربه اللي مـن ديـاره ماتجيـه علـوم
بعد مادار عام من المفـارق يـا غـرام العـام=وروحي مابقـى الا زفرتيـن وتبلـغ الحلقـوم
لا ترخص قيمتي لامـن تذكرتـك وأنـا قـدام=وجيهن تذكر الظالم ولا تـدري عـن المظلـوم
مابعتك بالسحايب والبـروق السمـر والأنسـام=وساموني بتلويحـة وداع وبعـت بـأوّل سـوم
سئمت العيش (نون وصاد) واللذات (سين ولام)=بنـادم والبنـادم حيلتـه ماتـوجـد المـعـدوم
مادام الصحف جفت وأنت رحت ورفعت الأقلام=على حبٍ من أوّل يوم وفـراقٍ مـن أوّل يـوم

وتمت

تقبلوا فائق احترامي

ابن الصحراء · #2 12-04-2007, 02:25 AM

صح السان الشاعر ابو شيبه

واختيار رائع

ولك الشكر

قبلة العذارى · #3 12-04-2007, 02:26 AM

ابن الصحرا

لاهنت على المرور الرائع

كل الشكر

الــحـشـاشـــه · #4 12-04-2007, 03:01 AM

سئمت العيش (نون وصاد) واللذات (سين ولام)
بنـادم والبنـادم حيلتـه ماتوجـد المـعـدوم

صح لـسان الشاعر/ مدغم بو شيبه السبيعي

تسلمين يا قبلة العذارى على النقل الطيب والاختيار الرائـع

تـقبـلي تـحياتي