ياخـادم البيتيـن يانـزه الأشنـاب ياسيـدي قفـوي عجـوز وشايـب( بدهان الشمري

[الحاتمي]

سميت بسم منـزل النـور بكتـاب=كشاف سر اللـي غريـب وغايـب
علام دورات الكواكـب والأوجـاب=محيي هشيم القاع عقـب الجدايـب
رب خلقنـا للمصايـب والأسبـاب=نعيش بالأقـدار هـي والمصايـب
يالله يافـارج غثـا كـل منصـاب=يارب يا تايـب علـى كـل تايـب
عبد طلب رحمتك يارب مـا خـاب=وليا طلب غيـر عنـك رد خايـب
ياعل شي نطلبه يـا عسـا مجـاب=يا فارج الضيقات هـي والكرايـب
شي كتب باللوح من رب الأربـاب=دنياك يابـن آدم زمانـه عجايـب
يالله احس بداخل القلـب مشهـاب=نار بجوفي وسطهـا القلـب ذايـب
عيني قزت والجفن بالنوم ماطـاب=تذرف دموعه فوق خـدي سكايـب
اصيح وانخا ملوكنا من ورا البـاب=انخـا السعـود محلليـن النشايـب
انخا ابو متعب بالملازيـم ماهـاب=بوجه قبل ذرع الكفـن والنصايـب
ياخـادم البيتيـن يانـزه الأشنـاب=ياسيـدي قفـوي عجـوز وشايـب
انخا ملكنـا مالنـا عنـه مجنـاب=غيث على كـل القبايـل سحايـب
وانخا ولي العهـد سلطـان لـولاب=حلال عسرات الأمـور الصعايـب
يا ذيب ياحر علـى راس مرقـاب=يا سيدي وجهي بـه الـدم رايـب
حكم نفذ أنخاك به قطـع الأرقـاب=انخاك فكن يـا عريـب النسايـب
وانخاك يا مشعل قمر دنيتي غـاب=انخاك فكـن ياعطيـب الضرايـب
من قبل حد السيف يسحب بالأنصاب=والراس يقطع مع عروق الترايـب
انـا دخيلـك قافـي ديـن طـلاب=العمـر ملفـاه الفنـا والذهـايـب
انخا بها مقـرن سبـع غابويهـاب=زبن الذي عمـره همـوم وكآيـب
كم واحد فكه عقب عـد واحسـاب=فرح به امه عقـب ماكـان غايـب
انخـا واثنـي للقبايـل والاجنـاب=شيوخ نجد انخاه حاضـر وغايـب
انخا عتيبه روق سبعـان واشيـاب=وانخا بني وايل رجـال الحرايـب
وانخا بني مره وقحطـان ياذيـاب=وانخا الدواسـر متعبيـن الركايـب
وحرب الحريبه للمعاديـن حـراب=ومطير مع قحطان ربعـن قرايـب
وبني عطيه يا حصل فيه ضبضاب=وبني صخر يا محتميـن النجايـب
أنخا ابي فزعة بني يام الاصحـاب=وجهينه انخاهـم صغيـر وشايـب
ودي بفزعتكم عن السيـف قصـاب=تسببـو عسـا تصيـب السبايـب
توجهـو يـم الشـرارات طـلاب=وعند الشرارات اظن ماهو بخايـب
قبيلـة للطيـب والعـز شــراب=هل الصخا يـوم المعيشـة نهايـب
يا جاهم العاني خذو هدف الارقـاب=اللـي عطاياهـم نيـاق حـلايـب
سلام ما ذعذع من الغـرب خنيـاب=وماناحت الورقا بـروس الجذايـب

[الـجـنـازة]

تسلم يالحاتمي

وبدهان انشالله بما ان الحكم تاجل شهرين ... لان على ماسمعت ان قبلان طلع عم القتيل وليس بوالده ولاكن فيه " خط اوراق " !!!!

وان ام القتيل المصريه الاصل اطلبت الديه حيث انها قالت "راس بدهان مايرجع ولدي الي راح"

هذا ماسمعته وانشالله الله ولا غيره ولي يبي يفرح ام بدهان قريبا..!

[«[شيـ خ ـة العجمان]»]

الحاتمي
:
اللهمٍ فكَ قيدهُ وآعتقْ رقبتهُ وآهدِ منْ بيدهٍ الامر الىآ طريقٍ الحقْ ،،
اللهم آآآمينٍ ،، ..
صح لسانهٍ ولسانكْ اخوي الحاتمي ! ..
يعطيكْ العـآفيهٍ
ولاهنت ،،
:
/
\

[فارس شمر]

اللهمٍ فكَ قيدهُ وآعتقْ رقبتهُ وآهدِ منْ بيدهٍ الامر الىآ طريقٍ الحقْ ،،



آآآآآآآآآآآآآآآآآآآآآآآآآآآآآآآمــيــن



لااهنـت عالقصيـــده يالحآتمـي



تحياتي

[الحاتمي]

مشكورين اخواني واختي

1- الجنازه

2-فارس شمر

3- شيخة العجمان


الله يعطيكم العافيه على مروركم

والله يعتق رقبه بدهان انشاء الله

ويرده الا واليديه سالم

نبي دعواتكم

[ابو ياسر 5]

اللهمٍ فكَ قيدهُ وآعتقْ رقبتهُ وآهدِ منْ بيدهٍ الامر الىآ طريقٍ الحقْ ،،
اللهم آآآمينٍ ،، ..
صح لسانهٍ ولسانكْ اخوي الحاتمي ! ..
يعطيكْ العـآفيهٍ
ولاهنت