في يوم من ايام الصيف الحاره في مدينة أبوظبي كانت مها تستعد لزواجها من ولد عمها وما كان عندها وقت أنها تناظر وجها في المرايه من كثر الأشغال اللي عندها وكان لمها اخت أصغر عنها اسمها مهره وطبعاً مهره كانت اخر العنقود ودلوعة امها وأبوها وكانت مها تموت في زوجة خالها وما تثق في ذوق أي شخص غيرها ام محمد وهو الأخ الوحيد لمهرة ومها كان يشتغل في الأتصالات ويحب شي اسمه سفر لكنه عصبي وما يحب الغلط والمسكينه مهرة مشغوله مع امتحانات الثانويه العامه وفي نفس الوقت كان خاطرها تروح مع اختها وزوجت خالها عشان تشوف الأغراض اللي تشتريها أختها مها ..... أمتحنت مهرة وخلصت أمتحانات وكانت طايره من الفرحه أنها خلصت وفي نفس الوقت بتقدر تروح مع أختها للأسواق ..
مهرة : يااااااااااااااااااي أنا خلصت وينج يأم محمد تعالي وينك يا بو محمد تعال شوفوا بنتكم خلصت وافتكت
أبو محمد : خير يابنتي شو فيج تصارخين ...؟
مهرة : ابوي انا خلصت وافتكيت من هم الدراسه ...
مها : شو فيج تصارخين ياخبله ؟؟؟
أبو محمد : مستانسه لأنها خلصت وافتكت من الدراسه هههههه...
مها : ومنو قال أنها فتكت من الدراسه باقيلها الكليه ولا بعد ماتبي تكمل ...
مهرة : أف منج شو حاستني يعني أعرف باقيلي الكلية بس مب الحين .. المهم اريد أفصلي فستان ومب أي فستان اريد شيء مميز ولونه غريب ماريد فستان لونه مثل لون فساتين حد من بنات عمي ولا خالي ...
مها : أيدج على خمسة آلاف عسب تفصلين احلا فستان ..
مهرة : فديت الويه أنا عندي بو محمد ربي يطولي بعمره أكيد بيعطيني صح ابوي ؟؟؟
أبو محمد : هيه نعم أني بعطيج بس قبل تعالي بوسيني فوق راسي ..ههههه
مهرة : انشاءالله يا احلا واغلا اب في العالم ...انا كم بو محمد عندي ..
مها : أمي وين ماشفتها اليوم ؟؟؟
بو محمد : أمج سارت مع خالتج حمده معزومين عند خالتج في المزرعه ..
مهرة : خساره والله كان خاطري اقولها شيء بس يالله ما عليه ..
مها / بو محمد : شو بتقولين حقها ...؟!!
مهرة : شيء ما اقدر اقولكم ...
مها : باجر انا سايره مع فاطمة دبي عندي بروفه هناكي بتسيرين معانا مهرة ...؟
مهرة : اكيد بروح بس ما قلتيلي وين بفصل , اروح ازياء بنت الملكه ولا تقاسيم ..
مها : أكيد تقاسيم بدون كلام ..تصميمها رهيييب والقماش اللي عندها مابتلاقينه في اي مكان قطعه وحده بس للي بيفصلها ...
مهرة : اممممم اوكي
وراحت مهرة لغرفتها وهي تفكر شو بيكون لون الفستان وكيف بتكون في ليلة عرس أختها , ومشكلة مهره أن ذوقها صعب وماتريد اي شيء عادي لازم سبيشل وغريب ..
مها : مهرة ممكن تفتحين الباب اريد اكلمج ...
مهرة : هلا دشي ..
مها : استغفر الله شو ها ..
مهرة : يالسه ادور في المجلات تصميم غريب ومحتارة ..
مها : زين حبيبتي مهرة انتي تعرفين ان تقاسيم بروحها تصمم وتصاميمها ما عليهن كلام ليش تعذبين عمرج الغاليه ..
مهرة : تعرفين يا مها انج اختي الوحيده واريد اكون ليلة عرسج غير مميزه عن الكل لأني اخت العروس ..
وماريد اي شيء عادي ..
مها : يامهرة صدقيني انج مميزه من يوم كنتي صغيره , عليج جمال وطولوشعر وشو بقول بعد ..
مهرة : وهي مستحيه , اعرف بس بعد اريد اكون مميزه ..
ام محمد : يابنات وينكم صار لي ساعه وانا انادي ...
مهرة / مها : امي بسرعه خلينا نروح عندها قبل تزعل ..
مهرة : امي امي باركيلي انا خلصت وارتحت ...
ام محمد : مبروووووك فديتج وعقبال النتيجه انشاءالله ..يالله عاد الحين بنروح نتعشى ..
مهرة : انا ماريد بطلب من المطعم ..
مها : خلي عنج الدلع وأذلفي جدامي ..
ام محمد : من متى ماشفناج تاكلينا معانا يابنتي واخوج محمد مشتاق لسوالفج يالله خلينا نتعشى تحت .
مهرة : اوكي انتم انزلوا وانا بنزل وراكم ..
محمد : هلا وهلا بمهورة الحلووووه عاش من شافج ..
مهرة : هلا فديتك تصدق مشتاقه لك ولخبالك ...
محمد : شو ؟؟؟ خباااااااااال , يعني انا خبل ..
مهرة : لا ما اقصد بس صارلي فترة ما اشوفك , إلا بسألك متى بتتزوج وبنشوف عياااااالك ؟
محمد : خس الله بليسج يامهور , إللي يسمعج ايقول هاي عيوز ما كأنج ياهل ...
مهرة : ههههههههه, اقولك شيء خلينا ننزل تحت عسب نتعشى معاهم اخاف يزعلون .
محمد : صدقتي الغاليه .
ام محمد : مهرة ترا انا اشتريتلج مبايل ..
مهرة : والله صدج !!
محمد : وهو معصب , شو مبايل
مها : هيه والله اخر العنقود لازم تدلعونها مالت علي انا محد دلعني ..
مهرة : حر فيكم انتي ومحمد ..
محمد : ايه ابوي ترا ماعندنا بنات لهم تليفونات تسمعين ..
مهرة : امي اسمعي ولدج شو يقول ..
ام محمد : شو فيك محمد على ختك , هاي هديتها من عندي وبعد ين انا لو ما اشتريت لها مبايل الحين انته بروحك باجر بتروح تشتريلها , نسيت انها بتدرس في الكلية وبتحتاج مبايل ..
محمد : يا امي انتي ماتعرفين سوالف البنات هالأيام ..
مهرة : شو تقصد قول يعني انا مب اوكي صح ..
ابو محمد : شفيكم انتو جاين تتعشون ولا تتضاربون ؟؟
مها : محمد انته عارف احنا كيف صح عمرنا ماغلطنا في شيء وبعدين مهرة مب صغيره وتعرف الغلط من الصح ..
محمد : اوكي بس مبايل ماشي..
مهرة راحت لغرفتها وهي تبكي وحزينه لأن اخوها جرحها بكلامه , وكانت تقول في نفسها ليش اخوي محمد يفكر جي هو لهدرجه مب واثق فيني معقول وانا اللي عمري ماسويت شيء . وتمت المسكينه تبكي .
ام محمد : زين اللي سويته يامحمد , خليت البنت تزعل وتودر العشى وانا اللي متحايله عليها عسب تنزل تاكلها لقمه , بعدين انا ما عليه منك تليفون وبعطيها اياه وياويلك إذا قلتلها شيء .
مها : انا بروح اشوف مهرة , تراها حساسه حيل ..
وطلعت مها عشان اتشوف اختها , دقت الباب ومحد رد ورجعت دق الباب , مهور الغاليه افتحي انا مها
ليش ساكته, محمد ماكان يقصد افتحي بسرعه ..
مهرة : وهي غرقانه في دموعها , لحظه .
مها: يالله يالدلوعه كل هذا عسب كلام محمد ..
مهرة : محمد !!!!
مها : شو فيه هو بس خايف من اللي ايشوفه ..
مهرة : اوكي بس احنا مب مثل البنات اللي ايشوفن , وماكان فيه داعي يجرحني بكلامه اللي مثل السم ..
والله يا مها انا اعرف بنات معاي بالمدرسه لو اقولج شو ايسون بتنصدمين , وانا مب صغيره وماعرف عسب يخاف علي.
مها : صح كلامج لكن هو خايف علينا ومعاه حق في هالنقطه ..
ام محمد : ممكن ادخل يابنات ..
مها : تفضلي يالغاليه ..
ام محمد وفي ايدها كيس صغير : خذي مهوره .
مهرة : شو في الكيس ؟؟
ام محمد : هديتج شو نسيتي ..
مهرة : مشكوره امي بس انا ماريدها ..
ام محمد / مها : ليش ؟؟!!!
مهرة : محمد بيزعل وانا ما احب ازعله , بعدين هو مب واثق مني خايف اسويله مشاكل ..
ام محمد : ماعليج من محمد ,’ انا تفاهمت معاه ومابيقولج شيء .. بعدين جي ولا جي لازم بنشتريلج مبايل عسب الكليه ..
مها : صح يامهره .. باجر بتحتاجينه ..
مهرة : اوكي باخذه والله يستر ..
ام محمد : يالله يابنات نامن باجر وراكم درب بس ماقلتولي انتم بتباتون هناكي ولا بترجعون ف نفس اليوم ؟
مها : والله يا امي على حسب يمكن نبات ويمكن لا ...
مهرة : مب انتي عندج بس بروفه ؟؟؟
مها : هيه صح بس عندي كمن شغله اريد امر شمسه المهيري بشوف كيف صممتلي صناديق الزهاب . لحظه هاي فاطمة مرة خالي تتصل ..الو هلا فطوم اشحالج ..
فاطمة : الحمدلله , انتم اشحالكم واشحال ام محمد وابو محمد ومهرة انشاء الله بخير ..
مها : يسرج حالهم الغاليه كلهم بخير , وشو اخبار خالي عساه بخير ؟
فاطمة : يسرج حاله يرقص ..
مها : ههههههههه لا مب الحين يخلي الرقص لعرسي ..
فاطمة : خس الله بليسج تبين البنات ينهبل عليه لالا مستحيل اخليه يدخل القاعه ..
مها : هههههه , المهم يافطوم باجر انشاءالله سايرين دبي ترا باجر البروفه ..
فاطمة : هيه اعرف عسب جي انا متصله فيج عشان اقولكم تجهزون حالكم ..زين العروس بخليج الحين وسلمي على مهرة وام محمد .. يالله فمان الله.
مها : انشاءالله الغاليه الله معاج . يالله مهرة نامي ترا باجر بنحرك ع الساعه سبع ..
مهرة : انشاءالله بس ابوي ما عطاني الفلوس ..
ام محمد : انا سمعت انها بيحولج على حسابج بس انتي لاتنسين بطاقتج ..
مهرة : اوكي بس لي طلب عندج يا ام محمد ..
ام محمد : انتي تامرين امر انا كم مهرة عندي ..
مهرة : فديتج والله , بغيتكم اتزيدوني ثلاث آلاف عسب اخذلي اغرض للعرس ..
مها: شوووووووو ثلاث آلاف عنبو انتي شو بتشترين..؟!
مهرة : مايخصج يا حرم راشد ...
ام محمد : ههههههههه خلاص بسكم ضرابه يالله انا بروح انام تصبحون على خير ..
مها/ مهره : وانتي من اهله الغاليه ..
والصبح نشت مها وسارت توعي مهرة عشان بيروحون وماعندهم وقت ...
مهرة : صباح الخير حرم راشد ....
مها : مهرة مايخصج فراشد ...
مهره : هههههههههه اوكي يالغيوره , على فكره اتصلتبي فاطمه وتراها بتمرنا الحين ..
مها : والله انا بعدني ماجهزت جنطتي ... اف شو هالحاله ...
وجت زوجت خالهم فاطمه وراحوا لدبي دار الحي والكل فرحان مهرة تفكر شو بتشتري وفاطمه تفكر في فستان العروس كيف بيكون ومها سرحانه في راشد صار لها فتره ما كلمته ولا سألت عنه ...
مهرة : الله دبي صارت حلوه شوفوا المراكز الجديده ماكانت موجوده قبل ... ياسلام على شارع الرقه والله وصارلج فتره ماطلعتي يامهوره .. فديتني انا هههههه .
فاطمة : اقولج مها اتصلتي في المصمم ؟؟ ترا بتلاقين الحين زحمه عنده ..
مها : الصراحه صارلي فتره ما اتصلت ولا سألت عنه ...
مهرة / فاطمه : منو خس الله بليسج .....؟؟!!!
مهاا وهي مستحيه : احم سوري ....
مهرة : هههههههههههه اخ يابطني عرفت انتي وين يافاطمه ومها وين ....سرحاااااااااانه براشد ...
فاطمة : هههههههههه والله طاح قلبي على بالي المصمم ..
مها : قلتلج يامهرة مايخصج في راشد تسمعيييين ..
سعيد خال البنات : هههههههههههه ماشي مستحى نسيتي يافاطمه نسيتي يوم كنتي مأذيتني كل شوي متصله ...
فاطمة : ههههههههههه انته مره ماتنسا شيء ..
مهرة : اقول يالله انزلوا وصلنا اريد اشوف الفساتين اللي عنده ...
ونزل الجميع لمحل دار الازياء وخلصت مها البروفه والمسكينه مهره تريد تشوف مها وهي لابسه الفستان لكن فاطمة مارضت قالت خليه بعدين تشوفينه ...
مهرة : خالي سعيد قولي شو المشكله لو اني شفت الفستان ...
سعيد : مافي مشكله بس هاي سوالف فاطمه ماتيوز عنهم ..
مهرة : طز فيهم انا اريد اروح سيتي سنتر مع العيال حرام اريدهم يلعبون ..
سعيد :ماعليه خليهم يخلصون قبل ....
وبعد ما انتهت البروفه راحوا لفندق صدف عشان يرتاحون ...والعصر طلعوا يتمشون وراحوا لحمر عين ..
مها : فاطمه بشتري عطور من محل باريس غاليري شو رايج ...؟
فاطمة : اوكي حياج بس وين مهرة اريدها تيلس مع زايد وشيخه ..لحظه بتصل في سعيد بشوف إذا مهره عنده.
مها : مهره عنده وانا اريد تليفونها ... تليفوني مافيله رصيد ...
فاطمة : اكيد حبيبتي خلصتيه على راشد ....هههههه.
مهاااا: خلاص عاد ليش تحرجوني .
مهرة : هلا والله وين بتروحن عني ..؟؟
فاطمه : بنروح لباريس غاليري عسب مها تشتري عطور ..
مهرة: اهااا اوكي ..بروح معاكم..
فاطمة : لا الغاليه انتي اريدج تيلسين مع العيال شيخه وزايد اخاف يزعجون ابوهم ..
مهرة : انشاءالله الغاليه ولا يهمج ..بس باجر اريد نروح لمدينة الالعاب ..
مها : مهرة ممكن تليفونج عسب اتصل في شمسه المهيري أسألها إذا خلصت الصناديق ..
مهرة : وانتي تليفونج وينه ...؟
مها : عندي بس مافيله رصيد ...
مهرة : احم احم احم انا مابتكلم بس يالله بعطيج تليفوني بشرط انج تضيفيلي رصيد ...
مها : اوكي بس عطيني اياه ..
وخذت مها تليفون مهرة ودخلو باريس غاليري ونقولهم مجموعه من العطور وكانت مها مشغوله مع الاكياس والعطور وحطت تليفون مهرة على الطاولة وطلعت من المحل وفاطمة معاها ... ودخلن في محل نعومي يشترن ملابس داخليه ...
مهرة : خاااااالي انا باخذ زايد وبروح نتمشى عند باريس غاليري وانت خذ شيخه وسير تمشى ..
سعيد : اوكي بس حاسبوا على اعماركم وحطي عينج على زايد تراه شيطان ...
مهرة : ولا يهمك ..
وسارت مهرة تتمشى ومعاها زايد عمره 4 سنوات بس مشاءالله حليوا وكان متعلق في مهرة واااايد وتمشون لين ماوصلوا لمحل باريس غاليري ودخلوا المحل ..وشافت مهرة شباب اثنين وماشافت لا اختها مها ولا زوجت خالها .. وطلعت من المحل وهي تتمشى بهدؤ وتناظر في المحلات وماسمعت غير صوت وراها يناديها ولفت وجهها وشافت مها واقفه جدام باب محل نعومي ..
مها : بلاج صار لي ساعه وانا انادي وانتي ولانتي هني ...
مهرة : كنت ادوركم وماسمعت صوتج ..
فاطمة : فديتك زيود والله اشتقت لك ..يالله بنات خلونا نطلع بروح لميغامول ..
مهرة : تصدقون انا لين الحين ماشتريتلي شيء..
مها : ماعليه الغاليه بنروح ميغامول واشتري اللي تبينه ..
وطلعوا من حمر عين رايحين لميغامول ...ودخلوا ميغامول وسار سعيد مع شيخه وزايد لمدينة الالعاب عشان يلعبون ويستانسون والبنات يلسن في الميغامول ..
مهرة : انا بروح للجعيدي اريد اخذلي فستان للمكسار ..
مها : خليج قريبه منا لاتروحين بعيد ..
فاطمة : عادي برايها شو بيستويبها ...
وراحت مهرة تتمشى ودخلت الجعيدي وشافت كذا فستان كل واحد احلا عن اللي قبله واحتارت شو بتشتري تبا شيء مميز قالت احسن شيء اتصل على رقمي واكلم مها عشان أخذ رايهم ....
مهرة : ممكن لو سمحتي استخدم تليفون المحل اريد اكلم اختي , انا احترت شو اشتري عندكم ,,
صاحبة المحل : اي عيني تفضلي المحل محلك واحنا تحت امرك ..
مهرة: تسلمين ,. احسن اتصل في تليفوني لأنه هو اللي الحين عند مها ....
واتصلت مهرة على تليفونها وتم يرن ويرن وبعدين رد عليها واحد , انصدمت مها قالت اكيد خالي ويبا يلعب علي...
مهره : الو خالي لا تحاول تراك مكشوف ...
الولد : انا مب خالج .. بس ممكن أختي سؤال ..
مهرة : ههههههههه بعد اختي اوكي اسأل ...
الولد : هذا تليفونج ..
مهره سمعت الصوت متغير والمشكله انها مب مصدقه أن اللي يكلمها شخص غريب كيف والتليفون عند اختها شو بييبه عند واحد ...
الولد : اختي الو... الو... الو ... ليش ماتردين .
مهرة : هيه اخوي تليفوني بس انت شو جابه لك ؟؟
الولد : انا نست تليفوني في محل باريس غاليري ... وطلعت عقب ذكرته واول ما سألت صاحب المحل عن تليفوني طلعلي اثنين وخذتهم واحد تليفوني والثاني هذا اللي تكلميني عليه ..
مهرة : ماعرف الصراحه انا عطيته اختي شكلها نست التليفون في المحل ..
الولد : اوكي اختي تحبين اوصلج التليفون ....؟؟
مهرة : هيه إذا تقدر بس انا الحين في الشارقه في الميغامول ...
الولد : اوكي دقايق واكون عندج بس ماقلتيلي وين بالتحديد ..؟
مهرة : في محل الجعيدي ...
الولد : اوكي ...
وتمت مهره تنتظر وهي حاطه ايدها على قلبها كيف تليفوني انا ايجي في يد واحد كيف شو بيستوي لو عرف محمد , الله يسامحج يامها ... وتمت تفكر ونست الفستان وماشافت غير واحد داخل المحل وفي ايده تليفونها .. وتمت ترتجف وقلبها ايدق بسرعه اول مره ايصير لها شي جي .. عمرها ماقابلت ولد .
تتوقعون شو صار المهم ماراح اكمل لكم القصه إلا بعد ماشوف التفاعل ...
03-03-2007, 02:56 PM
@]["""صدفه وفيها داخل القلب حليت """][@
العرض الشجري