عليك الله تفضل واسترح ياناقض المرجود @ تفضل لعن ابو من لايحط الحدب ديواني

[رونالدينو اليامي]

قصيده
اتمنى ان تنال اعجابكم






هــــلا يا مرحبا يبو العيـــون الســـاحرات السود=كما عين أشــقرً فـــض السبق من كــف سلطاني

أبو ذيـــك الثـــمان الفلـــج مثـــل اللولو المبرود=وريقً خمـــرة الكـــوثر سكــب في كـاس خولاني

وخمــــسً تنقـــش بريشــة قلـم رسّامً ومجيـود=كما نقـــشت رخــام أصلي حمر في خــط رحباني

ونهـــــدٍ مرتكـــز غــظٍ غــليظٍ واقــفٍ منـــظود=وراســـه رطـْب مثـــل لســان أبو عــامين ريّاني

وجيــدٍ صافيً مثــل الحرير الســـوري الممدود=كـــما سكبة بـــلاطٍ في مجـالس قصـــر ابن ثاني

وشعـــرً لا حذف شاله تغشى عـــوده العمــرود=كـــما ذيـــل الأصيل بخــيل ابن مكــتوم صيواني

ألا سبحـان من ســوّاك غصـــنً ينثــني للنـــود=ولك هيبة (عمر) وبك الحـيا في ثوب (عثماني)

على طـــاريك لا من حـــل مثل مبشر بمـــولود=أجــل وش لــون شــوفك عاد يا ميّاس الأرداني

هلا يا مرحـــبا يا ريحة العنـــبر ودهـــن العود=وريح المســك والكادي هـــلا يا ريــــح ريحاني

هلا يا سحـــر هاروتٍ بسبــحة بـــابلً معقـــود=هلا يا عـــسجد ويـــاقوتٍ وسنـــدس ومرجـاني

هلا يا شـــف أبو خالد هــلا يالجــود والماجود=هلا يا اوقار أبوي وطيب نفسي لأصغر أخواني

عليــك الله تفــضل واسترح يا ناقض المرجود=تفـــضل لعـــن أبو مــن لا يحط الحـدب ديواني

عليــك الله ولا يا بعد ما ضْـنـّن أمهات الخـــود=تفـــضل يالمــلاك اللي شــعم غلـــيون شيطاني

عقب ذاك الشقاء لا تشتقي قلب الشقاوي زود=وأنا مســـلم على حــبك ذبحـــني فيـك نصراني

عقـب ذيك اليدين الخطــّـل اللي تستمد الجود=.ولو ما تـــاخذ يديني مثـــل ما مـــد نيشـــاني

عليه معــــك قلبٍ بالهوى قاسي كما الجلمود=ولا ادري شـ الذي يرضيك وأنته دم شـرياني

أجي وأسقيك هدّاج الضماير مير ما من فـود=وثم تســـقيني اللي منه تفـــــرح كل عدواني

أنا أوّرد على عذب الهوى لك بالمشاعر ذود=ولا أدري غـير معروفي جزاه تهمّل اضعاني

صحــيح إن الذي يســـعى وحظه دايمً مقرود=كما اللي راح يسـعى بين أهل عبسً وذبياني

كما ربي بلاني بالمحـــبة يا صـــــغر العنقود=أهابك مثل أبويه وأنت من عمرأصغرأخواني


الشاعر لفى الهفتا

[هدلان الوادي]

صح لسانك ولسان شاعرها ولا هنت على النقل المميز

[رونالدينو اليامي]

المشاركة الأصلية كتبت بواسطة هدلان الوادي

صح لسانك ولسان شاعرها ولا هنت على النقل المميز

صح بدنك وشكرا لك