يــا وين ابلقى الصاحب اللي باللوازم ما يهاب ؟؟؟

[مناحي الصميل]

اليكم هذه المتواضعه

/
\
/
\
/

الذيب لا منّه عو لبّته شرسين الذياب = وصارت معه صف(ن) عريض(ن) من كبير ومن صغير
يوم اللّقى كل(ن) يذوق الشين في وقت النشاب = كل(ن) يزهّب بندقه في محزمه ثم(ن) يغير
ودّك قبل تنطق بشي(ن) حاسبه ميّة حساب = وان ما حسبته عزّتي لك من لهبها والسعير
وجدي على اللي منحرف ثم(ن) تفكّر ثم تاب = ومن بعد توبته إهتدي خوف(ن) من الحق البصير
بعض العرب خوفه ترى ياتيه من صوت الذباب = وبعض العرب ماهمّه المنصب ولا همّه وزير
ومن فكّ بيبان الدهر أفكّ له عشرين باب = واوطى على علباه واصفّه مع صفّ الحمير
انا حياتي كلّها تبرق مثل برق السحاب = كل(ن) تركني وأبتعد يا ويش ذا الحال العسير
ما عاد أميّز بين ماي وبين لمحات السراب = واللي تحسبه حرّ يطلع بالنهايه طير جير
طالت الدنيا عليّ وغِرز فيني كل ناب = وقمت أونّ وكنّي اللي صايبه سيف(ن) شطير
ما عاد ينفع طبّ ولا تنفع حبوب ولا شراب = كل المشاكل جاتني وأصبحت كلّ ليله سهير
أبحث عن الطيّب لعلّ الله يكتب لي مآب = ويشدّ من عزمي مثل شدّتك يا بوش لـ بلير
يا وين ابلقى الصاحب اللي باللوازم ما يهاب = وقت الشدايد محزم(ن) مليان بالدمّ الوفير
والا زهمته فزّ في صفّك قبل تسمع جواب = يترك لك أشغاله وياتي مسرع(ن) ودّه يطير
الوقت شيّب بالبزر والراس .. حتى الراس شاب = والمرجله في وقتنا صارت مثل حبّ الشعير
تصنيف صبيان الزمن قسمين .. بدلات وثياب = امّا ترف والا يصنّف من ملايين الدشير
ودّي انا ارقى بالهوا حتى على روس الهضاب = وأرفع يديني للسّماء وادعي دعاة المستخير

وسلامتكم



منــاحي بن فهــاد الصــمــيــل

[عـزوز]

يا وين ابلقـى الصاحـب اللـي باللـوازم مـا يهـاب=وقـت الشدايـد محـزم(ن) مليـان بـالـدمّ الوفـيـر

الله الله

ابيات رائعه ,, حضور اروع ,,

كاسب الطيب

صح لسانك لين ترضاااا على هالجمال وهالجزاله ,,

دمت ودام نزف قلمك الرائع ,,



لك تحياتي ,,

اخوك : عزوز العجمي



,,

[سالم الرتيبان]

كاسب الطيب ارحب فيك معني كنت غايب هالايام عن المنتدى لكن يعلم الله انكم في القلب وسجل اعجابي ابياتك روعه جدااااا
اخوك سالم الرتيبان

[كـميّخ الهاجري]

يا وين ابلقـى الصاحـب اللـي باللـوازم مـا يهـاب
وقـت الشدايـد محـزم(ن) مليـان بـالـدمّ الوفـيـر
والا زهمتـه فـزّ فـي صفّـك قبـل تسمـع جـواب
يتـرك لـك أشغالـه وياتـي مسـرع(ن) ودّه يطيـر
الوقت شيّب بالبزر والراس .. حتـى الـراس شـاب
والمرجله فـي وقتنـا صـارت مثـل حـبّ الشعيـر
تصنيف صبيـان الزمـن قسميـن .. بـدلات وثيـاب
امّـا تـرف والا يصنّـف مــن ملايـيـن الدشـيـر
ودّي انا ارقـى بالهـوا حتـى علـى روس الهضـاب
وأرفـع يدينـي للسّمـاء وادعـي دعـاة المستخـيـر




ياسلاااااااااااااااااااااااااااااااااااااااااااااا ااااااااااااام.





والله مدري وش أقووووووووووووووووول.




أقول إبداع وألا فن وألا صعاطير شعر وألاجن.



أخوي/ كاسب الطيب.



صح الله السانك مدد بلااااااااااااااااااااااااا عدد.




جزاله في جزاله بل بحر من الجزاله.




والجزل يفرض نفسه وأنت جزل.




تقبّل فائق إحترامي وتقديري.




أخـــــــــــــــــــــــــ(كميّخ الهاجري)ــــــــــــــــــــــــــوك.

[مناحي الصميل]

عزوز



ارحب طال عمرك


صح الله بدنك ملايين


ومرورك يشرفني


ولا هنت وبيض الله وجهك على حضورك المميز

[مناحي الصميل]

اخوي سالم الرتيبان


صح الله بدنك طال عمرك


وانت بالقلب ولو كنت غايب طال عمرك


ولا هنت على حضورك الكريم

[مناحي الصميل]

كميخ الهاجري

صح الله بدنك طال عمرك



واحرجتني بكلامك الطيب صراحه


الله لا يخلينا منكم ..


وحضورك شرف كبير


لا هنت وبيض الله وجهك

[مغران]

الوقت شيّب بالبزر والـراس .. حتـى الـراس شـاب
والمرجله فـي وقتنـا صـارت مثـل حـبّ الشعيـر
تصنيف صبيـان الزمـن قسميـن .. بـدلات وثيـاب
امّـا تـرف والا يصنّـف مـن ملايـيـن الدشـيـر


بيتين تدل على شاعريه متدفقه بلا نهايه


صح قلبك ولسانك

ودام بوووحك



اخوك مغران

[سالم الرزقي]

صح لسانك والله لايهينك







سجل اعجابي






سالم الرزقي

[مناحي الصميل]

حياك الله اخي مغران


صح الله بدنك طال عمرك



ولا هنت على مرورك الرائع



شكرا