شاعر مبدع سالم ال مخلص
يتحفنا برائعه ووشوشته فيها تعطي للابداع طعم اااخر
اترككم تستمتعون
لبيــه لبيــه لـــــبا والله اعروقـــش .......ياللــي تفلين صـــدري كل ماضاقــي
أموت في ضحكتش واحيا بمنطوقش....واهيم في طيبتش واســـلوبش الراقي
انتي بموقي واعرف اني وسط موقش....وعيونش السود تخلف هقوه الهاقي
الله على ليلش اللي طاح من فوقش.....غطى على صبــحش اللي كنه براقي
ورمانش اللي زما من تحت رقروقش....كنــه على شرفه البســتان مــتلاقي
يفوح وردش لمنــه مال غرنوقش....وتغار كل الورود اللي على الـــساقي
وان مال عودش ومنا مال صندوقش....جمال شامي على تركيبه اعــراقي
جمال كل الصبايا ضاع في سوقش....خذيتي الزيــن واعطيتــهم الباقـــي
ياويل حالي لمنها لاحت ابروقش....وان ولعت جمرتينــش شبت اوراقــي
أذوق منش شوي وارجع اذوقش....وأشربش كلش وأصبش داخل اعماقي
ذوقش على ذوقي وذوقي على ذوقش....واشواقش اللي تسابق كنها أشواقي
ومشاعر الحب نوق حنت لنوقش....كن هرزمتـــها نياق شافت انيـــــاقي
وظروفش اللي على هجراني اتسوقش....قطع الوصل ماختلف عن قطع الارزاقي
اهواش واهوى هواش وزهر زملوقش.....وأحب غفوه عيونش ساعه اعناقي
وأقولش كل مافكـــيتي اسبــــوقش....ونادتني اعـــيونش اللي تنوي افراقي
لبـــا عيونش ولبـــا والله اعروقش.....ياباقـــي العمر واحلى عمري الباقي
03-02-2007, 01:28 PM
العرض الشجري