كـنـي ابـو مـداح اردد مقـاديـر محمد فهد العرجاني

[طلال بن قطام]

بعض العرب لو صد مامنه تقصير=لانّه اساساً شخص ماهوب غالي

بس البلا والموت وكبر المخاسير=صدّت وليفٍ مايفارق خيالي

الله لايذكِرك (ياالسّبت) بالخير=ياسبت ماتدري وش اللي جرى لي

ياسبت فيك (اعصير) ياشينه اعصير=ضيّّق علي والصدر ماهو شمالي

فارقت به شيخة جميع الغنادير=وعقب المفارق كنه جاني هبالي

واصبحت اقول يصير هو صار... مايصير=معقول راحت واتركتني لحالي

ياصدع راسي...ليه مافيه تفسير=ابغي سبب واحد يبرر سؤالي

انا لها ياما طويت المشاوير=وانا لها ياما سريت الليالي

وانا لها ياما وردت المحاذير=وياما احتملت وشلت فوق احتمالي

وياما حشمها القلب لوسنّها صغير=وياما رحمها بالتودّد اقبالي

وياما كساها القلب شوق وتباشير=وياما عطاها من اجزاله اجزالي


وياما وياما وغيرها وغيرها وغير=ياويش اعدّد يابري والله حالي


(عشرة عمر)ماهيب ضحكه وتخدير=ولاهيب نزوة طيش ولاّ اخبالي


لا والله الاّ حب فوق التصاوير=اصبح(مثَل)من كثر ماهو مثالي


لكن اشوف الوضع جا فيه تغيير=واللي سعى لتدمير خلّي سعى لي


لكن انا..مااسمع بخلّي ولا اشير=من خلقتي وافي لمنهو صفالي


ومادام جو الحب جا فيه تعكير=الله يعوضني خسارة حلالي


بحن للماضي واعن التفاكير=وبعيش في ذكرى الليال الخوالي


كني(ابو مداح) اردّد (مقادير)=مادامها ضاقت ولاني شمالي
وسـلامـتـكـم مـحـمـد فـهـد الـعـرجـانـي