""" لمن لديه علااااااااج للقولون """

[™ عبد الله ™]

السلام عليكم

مساكم الله بالخير جميعا

مرض العصــر !!

القـــولـــــون << هذا المرض الذي لا يعرف كبير او صغير

ماهو علاجه ومسـبـّـباته !؟

طبعا انا كتبت هالموضوع ليس للاضافه !

لكن لكي يتم اثرائنا بالمعلومات لكل من يملك اي معلومه تفيد بعلاج هذا المرض


فالرجاء لا تبخلون علينا بـ أي معلومه مفيده


<< اخوكم كل شهر ينزل كيلوين مع العلم انه في حاجه اربعه كيلو كل شهر

ودمتم

[ابوتركى]

اخوى الكريم علاج القولون تجده عند الشيخ / متعب العجمى

وهو عباره عن عسل مخلوط ومفعوله سريع جدا

عنوانه المنقف / عند نادى كوماندز الصحى مقابل العزيزيه

وماتشوف شر

[™ عبد الله ™]

/السلام عليكم /

ابو تركي

شكرا لك على مرورك وعلى اضافتك

واذا تعرف رقمه ياليت ترسله لي خاص او تحط هنا

وهل انت جرّبت هالشي او تعرف احد جرّبه وتعافى منه ؟

والله يجزاك كل خير

[الجامحه!]

هــلا بــك .. فتـــى البــزابيــز


اول الشــئ انا بـقولك عن الاشـياء اللي تبتعد عنهــا ..

1_ الأكل الدسم و "اللبن" << يعني خفف من الكبسه واللبن << اعرفك تفقد عندها خخخخخخخخخخخخخخخخخ


2 _ " واكل الالياف ".

3_ تبتعد عن العصبيه << يعني لاشفتني بالترفيهي وخر عني خخخخخخخخخخخ

واهم شي

4 _ " والنوم الكافي ".. اقل شي تنـام 8 سـاعات << يعني مافي سهر عالنت


انا اعتـبر هذا المــرض مـرض مرتب (( مايحب الفوضى ))

يعني مايحب الخرابيط بالاكل وغـيره


اتمنى انك استفدت << اي هين



وشكــرا والله يشفيك انشالله والله يكون بعونك

اوووووووووحـــه

[™ عبد الله ™]

السلام عليكم

فعلا اوووحه كلامش عين العقل

والقولون ما يواطن قلـّة النوم ولا الدسم ولا العصبيه ولا الزيوت بأشكالها

عاد تصدقين امتنعت من الكبسه ومن الحليب ومشتاقته يمكن لمده اسبوعين .. نزلت مدري كم كيلو .. حتى المعده ما احس ان فيها اكل اذا ما اكلت الكبسه ..
صار فيه عشق بينها وبين حبـّــات الرز واللـبـيــنه

يسلموووووو عالنصايح يا دكتوره نـور على غفله

[@الشيــــــــــــنه@]

السلام علاكم


فتى قبل كل وجبه اغلى لك ماي وحط فيه كمون واشربه >> واذا طعمه شين حط عليه عسـل


وبعدين اذا كليت زلطه حط علاها كموون ترى يمدحونه للقالون



واخيرا سمعنا وسلمنا

وماتشوف شر

[ريمة البنات]

عفانا الله من هذا المرض
والله يشفيك اخوي انت وجميع المسلمين..
.
.
ارجوا ان يفيدك هذا الرابط
http://www.sehha.com/diseases/git/IBS/index.htm

[™ عبد الله ™]

شكرا الاخت الشينه على الكمون << بــتـقـلبـين معدتي صفرا الله يهداش

و

شكرا للاخت ريمه البنات .. فعلا موقع وموضوع مفيد جدا

[ابوتركى]

عذرا على التاخير اخوى الكريم

الرقم ماعرفه لكن خذ الوصف ومارا ح اضيع وانا واحد من الناس جربته والحمدالله مرتاح عليه

وشكرا

[™ عبد الله ™]

شكرا اخوي ابو تركي

وجزاك الله خير

وعافاك الله من كل شر