ياعشيري كن قلبك مستحله \\ واهني اللي سكن به بس نوبه ... جرح ٍ برى

[جرح ٍ برى]

بــدون مقدمـــاااااات ..

من يلوم القلب لامن غاب خله \\ لا يلومه عاذل ٍ تبلاه حوبه
ياعشيري كن قلبك مستحله \\ واهني اللي سكن به بس نوبه
اه واعزي لقلب ٍ فوق مله \\ يحترق سبة عذول ٍ حال دوبه
صاحبي تمم وصوف الزين كله \\ من يشوف الوصف ضيع في دروبه
الرموش اللي زهت من غير كحله \\ والعيون النجل تلت قلبي صوبه
اعشقه لعشق عاشق ٍ له \\ عاشق ٍ يلبس دروب العشق ثوبه
تكفى تكفى لاتخلي فيني عله \\ علة ٍ وسط الحشى تبلى مغصوبه
ارحم اللي فيك مبلي بلوة ٍ له \\ مابلاه من الحلى غيرك هقوبه
صاحبي درب الجفى لا مايدله \\ مير عذال الهوى يمه غدوبه
سامعي رحله وسلم ثم قله \\ ان بغى يرجع ترا ماهي غصوبه
ما أهين النفس له والحق مذله \\ ماهين النفس له هذي صعوبه
ان بغى يجفى تراني مرخص ٍ له \\ مايشوف الشر ولا يعرف دروبه
وان بغى يرجع ترى قلبي محله \\ به مجالس تنفتح لامن طروبه
وبانين له كم وجار وفيها دله \\ وان جفى شب الجمر واحسن شبوبه

طــلال العازمي

[موج الأحزان]

صح لسانك ساطلال العازمي وعساك على القوه..
بس المشكله فيني ماأحب أجامل ياأخوك..
وأتمنى تراجع القصيده وتعدل كسورها..
ولك كل أحترامي ياخوي طلال

[جرح ٍ برى]

المشاركة الأصلية كتبت بواسطة أبومحمدالضاعني

صح لسانك ساطلال العازمي وعساك على القوه..
بس المشكله فيني ماأحب أجامل ياأخوك..
وأتمنى تراجع القصيده وتعدل كسورها..
ولك كل أحترامي ياخوي طلال

القصيده سليمه يالغالي

ياليت تراجعها مره ثانيه انت واذا فيها كسور ياليت عطيني البيوت المكسره .. تحياتي طلال العازمي

[علي السكران]

صح لسانك اخي جرح بري

والله لايهينك

اما بالنسبة للنقد فالادارة قد منعت ذلك والاخ عبدالناصر الفهاد صرح بذلك

تقبل تمنياتي لك بالتوفيق

اخيك .. علي السكران