فال: ضيـدان بن قضعان؟؟ / فهيد بن عصيدان

[محمد بن سعود]

سلامُ عليكم

كلّ عام وأنتو بخير

,

,


القاطع اللّي له سنه وأربع اشهـور=أحسـب غيابه.وآتـحـرّا مجـيّـه
زاد الصّدود اصدود.وادبـوره ادبـور=وأقول للقلـب: ((اللّيالـي مديّـه))
ابسبّته تصطفّ الأفكار: ((طابـور))=كنّـه يدرّبهـا علـى العسكريّـه!!
وأعدّي المرقاب خمسة عشـر دور=وأكوسر إلحونـي علـى السامريّـه
إتغيب والاّ تشرق الشمـس واتـدور=وأنا ماغيـر أفتح.وأصـكّ القضيّـه
يعني على قول المثلْ: ((حيّ مقبور))=عزّربـي وعرّضنـي المهمهيّـه!!
وان قلت له معذور.ماهوب معـذور=وشلون أعـذره؟؟ والخطيّه.خطيّـه
لاصار عنده بعـد الأحبـاب مقـدور=إليـا قـدر مالـي معـه مقدريّـه
أَثـرهْ يبور.وكنـت ماظنّـه ايبـور=ولا وفـا عهـد الخـويّ ال.خويّـه
لكـنّ لـي: وقفه.ونظره.ودستـور=وأثبّت إشـدادي وأسـوق المطيّـه
مانيب في تبـع المقفّـي بمجبـور=لوكان شوفه مثل: ((عيد الضحيّه))!!
بدعي عليه ان كان ماجا على الفور=عقـب الصلاه.ودعوتـي عالمـيّـه
ياجعل فاله فال: ((ضيدان منصور))=عصر الخميس.بفيضة المصرعيّـه!!

وسلامتكم

,

,