يــــعــــجــز الــــكــلام........
ول ياعام الكدر بد السنيني=أشهد إن فرقاك مافيها ندامه
ول ياعام الكدر أشقيت عيني=مطول أحزانك وياقل إبتسامه
التعاسه والنكاده والأنيني=من صفاتك وإحسب الدمعه علامه
كم فقدنا في وجودك طيبيني=كم عانينا من قسى الوقت وظلامه
التوجد ماقويته ياظنيني=والتصبر ضاع في حزن وملامه
أسعفيني ياضلوعي أسعفيني=المصيبه كايده ياالله السلامه
يرحمك ياعود ياذرب اليميني=يارفيع الشان ياعالي مقامه
يابو محسن عافت حروفي يديني=كيف تشرح ماقوى لساني كلامه
عقب أبو هادي قتلني شي فيني=ماتت ظلوعي عقب رجل الشهامه
يامنادي إرفع الصوت الحزيني=سمع أهل الشام وأخبر لي تهامه
يابونافل جعل ربي لي يعيني=كيف كوني يلتئم عقب إنقسامه
عافت الضحكه تلامس وجنتيني=وإنحدر دمع الكدر كاره غمامه
من بغى جود وكرم ياالعارفيني=ومن بغى الطيب ودروبه والفهامه
شوف أبو هادي فقيد الغاليني=وإتبع إدروبه وتلقى الإستقامه
ليه ياعام التعاسه ماتليني=كيف تقوى ياثرى تحضن عظامه
الزبير إللي إنصلب له ليلتيني=ماإنحنى راسه لإذيال الإمامه
لاذكرته شفت أبوراشد يبيني=وإنتشى فيني شعورن زاد هامه
يرحمك يابوي رب الصابريني=إنكسر نور القمر وأسدل عتامه
يابوسالم دمع عيني معتريني=والزمن حسبي عليه أشرع حسامه
يابوسالم الزمن ماله خديني=الردى طبعه وياقل إحترامه
شاب عمري والمشيب أشقى جبيني=والنظر معدوم يازرقا اليمامه
يادموع الحبر للصفحه خذيني=ول ياعام الكدر ماأقسى سهامه
الزمان أقفى ولا لي من معيني=ولا عرفت أحسب حلاله من حرامه
من عقب سيد شباب الحاضريني=دوك ياعام الحزن هاك العمامه
راح أبوماجد عريب الوالديني=ياحمامه وين دربك ياحمامه
عودي مدحورتن للخايبني=بلغيهم جرح ياصعب إلتئامه
يابو بدر ليتها أيامي تزيني=الزمن غدار وأتعبني لجامه
خبريني ياليالي خبريني=كيف يقدر جفنك يخاوي منامه
يامجيب أهل الدعا والسائليني=رحمتك ياقابل دموع اليتامه
ياسنين الهم والصمت الدفيني=يابوراشد القمر ماجا تمامه
والشجر يبكي ورود الياسميني=والتوازن خل وأثر في إنعدامه
يرحمك ياماجد الصبي الذهيني=يابوراشد وش بلا العام وعلامه؟
لعنبو غيره مايرحم ذا الونيني!=كل قرم(ن)ماخذه ياالله السلامه
ول ياعام الكدر بد السنيني=أشهد إن فرقاك مافيها ندامه
23-12-2006, 05:02 PM
العرض العادي
