الى كل بنت ناشبه بحلق اهلها

[أطياب]

هلا والله وش اخباركم وعلومكم اليوم ...

اسمعوووووووووني يابنيات...

الى كل بنت ناشبه في حلق اهلها ماعنهم حاطين مهعا اختها مجانا...

---------------------------------
شلون تصيدين(مقرود الحيل)المعرس..
عشان نجاوب على السؤال اليكم خطوات::.

*اهم نقطه دوري العجوز اللي تدور لولدها عروس..
ثم نفذي مايلي..

1)خليك مع امك ولا تروحين مع البنات
وتتهيبلين الين تتم العمليه


2)امشي وانتي حاطه راسك بين كتوفك
حتى لو يصير كله صعارير...مدري من وين جايبتها
عشان يقولون مؤدبه ماهي متكبره

3)وكلمة خاله خليها على لسانك وخاصه لام المعرس
عشان تحس انها غير عن بقية العجايز ومافيه مانع
تنادين عجوزه ثانيه بخاله عشان اذا مانجحت خطه نمبر
ون تنجح على الثانيه<<<< الاحتياط واجب

4)اذا بدت امك تتكلم انغزيها بكوعك<<<بشويش
عليها لاتدخلين كوعك بجنبها من التفاعل
عشان تدخلك بالموضوع حتى لو مالك داعي فيه
تطبيقا لمثل(كثر الطق يكسر الحديد)ادري المثل
ماله داعي بس مالقيت غيره

5)اخوانك البزارين لاحقيهم وطامري معهم
وين مايروحون حتى لو ماهي من عادتك بس تصرفي
معهم كانك امهم عشان العجوز تاخذ فكرة
انك حريصه على ذريتك(جعلهم عقبك)

6)كل ماكلت امك من اكله زينه خليها تقول
نفس الاكل اللي تسويه بنتي
(حتى لو الاكل من مطعم صيني او امريكي!!!!)

7)اذا جيتي تمدين ايدك جعلها للكسر<<<<<خربتها
تدلعي وتميرضي وتالمي
وخلي امك تقول قلت لك يابنيتي لاتنظفين جدران
الفله الخارجيه بس انتي الله يهديك
ذابحتك النظافه<<<<جعلني ماابكيك تبين
تنظفين جدران الفله نظفي غرفتك اللي تقولين
ثايره فيها قنبله ذريه

8)اذا تكلمو عن العرس اكتمي نفسك لين تحمر
شدوقك(خدودك)
عشان يقولون البنت تستحي
ومالنا حق نتكلم عندها<<<بس لاتكتمين نفسك واجد اخاف تروحين فيها
واصير قتلت نفس بريئه من غيرحق؟؟!!

9)ومهما كان الموضوع حواري لاتتليقفين
ولاتبدين رايك وخليك مثل الطرمان لان اللقافه تجيب اجل الخطه..

10)شعرك افرديه ولاتخلينه طاير وكشه
مهما كانت الموضه
لاتقولين مجعدته وملفلفته
لان العجايز مايدورون الا اللي شعورهم ناعمه
*يرحم حالهن*(مع احترامي للي لهن شوش طايره)

11)اذا قالت العجوز اي راي سياسي او اقتصادي او وطني
وافقي عليه بدون تردد حتى لو انه ماسخ وماله داعي
مثلا تقول العجوز: والله بوش امس متقهوي عندنا يافلانه...
ردي عليها بالرد السنع
وقولي:ليه ماعلمتينا ياخاله نجي نعاونكم..

12)في العروس لاترقصين اعتبري الرقص
عيب وشق جيب واقبضي ارضك وانثبري

13)اذا جاء طاري السوق وطبعا راح يجي
لانه ملح الجلسه خلي امك تقول :
(الله يعظم اجر اميمتك بنياتي مايطلعون السوق)
اخلي ابوهم يجيبلهم اغراضهم




)))))))))))))))))احتمال وارد الحدوث((((((((((((((((((
يمكن تكون العجوز حاطه عينها على وحده غيرك لكن بعد
النقاط السابق ذكرها انسي انها راحت عليك
انتي وغيرك <<<امزح عليك المهم اللحين تكون العجوز طاحت بالفخ




)))))))))))تحذير(((((((((((
ابتعدي عن الامهات راعيات الشنط الملونه
والجزم لان هذولي يبيلهم خطط طويلة المدى



((((((((((((((((((نصيحه)))))))))))))))))))))
خوياتك بيلاحظون التغيرات اللي حصلت لك
فانت قوليلهم انك انسانه عرفت درب السنع والعداله










منك العيال ومنه المال
وتخلفوون صبيان وبنات
ألف مبروووووووووووووووك