بسم الله الرحمن الرحيم
اسمحوا لي بأن أقدم هذه القصيدة للشاعر سريح بن عديمه الهاجري
و التي مدح فيها وزير التجارة و الصناعة الكويتية
(فلاح بن فهد بن ذروه الهاجري)
و أبو فهد يستاهل المدح و اللي أكثر من المدح لما له من المواقف الطيبة و العظيمة التي إن دلت فإنما تدل على طيب هذا الرجل و على طيب ساسه
القصيدة تقول
المـدح مايذكـر بليـا براهـيـن=
يقولهـا شاعـر يثمـن كـلامـه
يقولها اللي يعرف الزين والشيـن=
والنور لامن بـان يجلـي ظلامـه
كتبت قافـي بالرجـال العزيزيـن=
اهل الوفاء واهل الكرم والشهامـه
بالنادر الوافـي نسـل الكريميـن=
فرز الوغا شرواه وقت العسامـه
راعي الكرم والطيب بالعسر واللين=
واللي على الطولات كارب احزامه
رجل المواقف اول الوقت واللحين=
فلاح ابن ذروه عسـاه السلامـه
انا اشهد انه من رجالا سلاطيـن=
رفيـع قـدر ولا تجيـه الملامـه
حكيم راعي الطيب كامل على الدين=
كريم درب الطيب كاسب وسامـه
حلحيل قول وفعل راعـي قوانيـن=
شجاع وابن ارجال وعالي مقامـه
وان مالت الكفـه يعـدل موازيـن=
رايه حكيـم ولا مشـى بالغشامـه
من راس قوماً بالمواقف شديديـن=
افعالهـم تذكـر بشرقـاً وشامـه
ربعي هل الطولات ريف الضعيفين=
ربعي هل الوقفات واهل الكرامـه
لي الفخر في لابتي وارفع العيـن=
قولاً بليـا فعـل يجيـب الملامـه
و أخيرا تقبلوا تحيات أخوكم ::
عبدالله بن ذروه
02-09-2006, 04:22 AM
العرض الشجري