انا بدي أغنـي طـرب والعـرب ممسيـن=لكـن قلبـي المرجـوج ضايـق ولابـده
أيلا من تغـدى خالـي الهـم أبـو قلبين=انا كبـدي تعيـف الغـدى جعلهـا الغـده
انا طرقـي يرجـي زمانـه عسـاه يزيـن=ويلامن حصله قـوت يومـه نسـى غـده
ياقلبي لامن ضقت أش الضيـق للمسكيـن=ويادمعي لامن سلـت أخ والمرجلـه هـده
وياعجمي لامنك طحت تكفى تطيـح بزيـن=أبا طيحتك طيحـت شجـاع ٍ ماهـوب وده
وانا مانيب غشـاش و النـاس غشاشيـن=ولاجيبهـا مـن حـد والنـاس مـن حـده
لكن علـم اللـي يكتـب البيـت والبيتيـن=الا سنـع الضمـه تبلـش مـع الـشـده
من البارحه واللـي وراهـا ويـلا ذلحيـن=وانا الشاعر اللـي يطـرق البحـر ويقـده
تقلدنـي الغاويـن لـكـن وش الغـاويـن=لونهـا بتقليـدي الـى غبـت مـع سـده
على الشيخ جاسم ودي أرسل كـلامٍ زيـن=لكـن موتـري مكينتـه تشتـكـي حــده
ودور على جمـسٍ ولاهـو مـن الألفيـن=لكـن خمسـه وسبعيـن ومغبـرن شـده
قد أستخدموه بشغلـت القـات والهرويـن=من أول يوم أن اعصاب ذالنـاس منشـده
ولافـيـه ملكـيـه ولانـمـره وتأمـيـن=ومع بندر بـن سـرور قـد راحلـه مـده
ولاهـو أبـو شكمـان لكـن شكمانـين=يحد الشبـح بـس الشبـح ماهـو يحـده
ورفارفه حول البدي كنهـا مابيـن وبيـن=الى من شحطـه ثنيـن راعيـه ثـم هـده
ردايف هنوفن تلبس الجنـز أبـو خطيـن=أبيهـا ماهـو مضـبـوط والأم مـرتـده
اسوقـه انـا والا حـدا خوانـي الغاليـن=على شان ياصل علم مـن شيـخ ويـرده
ترا الشيح جاسم بن حمد من عرفتـه ليـن=هـذا اليـوم ليـن أمـوت أغلـيـه ووده
ولي الفخـر فـي كـل توقيـت والا حيـن=يمثـل تميـم أبحـزة الضيـق والـشـده
هذا الأدمي مخلوق من نـور ماهـو طيـن=يشاعرك من جده والى ارضاك مـن جـده
ادور علـى شوفـه ولبـي وأقـول أميـن=وعلى صحته ورضـاه حتـى علـى سـده
عسا السد فاول شوط يكسب ثلاثـه ثنيـن=شجع مـع الجمهـور وانـا مالـي شـده
لكن ياطويل العمـر عـن طعنـت السكيـن=مقامي عزيز ونفسـي أكـرم مـن المـده
ترى من حقرني عند قصرك قبل شهريـن=ماهو من هل العليـا ولامـن هـل الـرده
ياشيخ الهوى لامر خضر الغصـون تليـن=لاكنه لـو يعـرض علـى الضلـع ماقـده
وانا بين عرقين... المرظف... وأبن حثلين=مانيب صلبين ويـش خالـه و وش جـده
الى رحت صوب دبي وان جيت صوب العين=انـا سمعتـي بيـن الرجاجـيـل ممـتـده
لون الفقر وصدوف بقعـا وضلـع الديـن=تـرد الكريـم مـن المواجـيـب وتـلـده
لكن بالعزوم اللـي لهـا القاسيـات تهيـن=نوطي على خشم أسـود الوجـه ونضـده
نحشم الصداقه وان فزعنـا نجـي عجليـن=علـى موقفـن ماكـل رجـل ٍ يجـي قـده
ترا صدة المقفيـن عـادي وهـم مقفيـن=لكن صدة المقبـل الا أقبـل هـي الصـده
لاكنك طويـل العمـر وانـا مـن الوافيـن=وذي ميـزت العجمـان فـي كـل مسـوده
العرض الشجري