وااوك ما ألوم الشباب عقب اللي شفته!!!!

[سعد القوي]

مرحبا جميعا .. هذا الموضوع اهداء لترفيهي كله وخاصه شهد لانها تحب الدجه والوناسه
وطبعا مافي شك الموضوع منقووووووووووووووووووووووووووووووول
--------------------------

وبمعنى أصح مألووم البناات عقب اللي شفته
في الحقيقه والواقع الموضوع كان ودي اسدحه من مده بس تخبرون قعدت لي فتره طويله عقب رجوعي من السفر
طاقني السباه أظافه لغلقه متأزمه ....

وكل يوم أقول لأختي مليحه اصطريني عشان أتأكد اني رجعت,,تقولي ما يحتاج شوفي خشتس في المنظره
وتذكرين <<<<<هناك مقاطعه وجهها

السالفه انه قدر الله علينا وسمعنا ذا الناس يقولون الا وازين بيروت وأهلها قلت لأختي وش حيث انّا
ما نروح بيروت خنروح بيروت مثل هاللناس وننفخ ونتسنع كود الله يبعث لنا رزقن من عنده ,,الا متى طايحين
في تسبود أهلنا,,
قالت تهقين فيه شي يايأثر فينّا !!!!
قلت لها وكاااااد يعني اليسا وش احسن منا فيه.
ولا عاااقت معنا زهبنا شنيطاتنا وعزبتنا وتوكلنا على الله <<<خلوا عنكم يمدحون الحريه
اتجهنا للمطار همن ركبنا الطياره وبحلت بعمري مدري وين مقعدي فيه!! يوم مرت المظيفه سويت نفسي ما شفتها ,,لين مر جنبي المظيف قلت الله لا يهينك وين مقعدي ,,,واذا به يقتادني الى حيث مقعدي وانا اللي أجلس
وانواااااااع البهجه والسرور صار مقعدي جنب الدريشه مير الصق خشتي بالدريشه وأدخل جو معهم وهم يركبون
العفش بالطياره اللي صافطه جنبنا وأتففففكر [/i]<<< تناظرمزارع فانكوفر,، جلست على هالحاله حول الربع ساعه همن ذكرت أختي مليحه!!!!!!!
وجعه !وينها والتفت على الكرسي اللي جنبي لقيت ذاك الشايب وانا اللي اطب فيه وين وديت أختي
ولاها بجيت المظيفه ,,قلت أختي مليحه وينها طلعوها ما دريت الا هي تشر لي تقول هاذااني ولاها جالسه
جنب ذاك الصارووخ الأشقر قلت الا يمال اللي الللي يلوي على ظهرتس يا عديمة الأخلاق
قالت هم الله يجزاهم خير جلسوني بذا المقعد قلت عميان هم عميان يوم انهم يشدخووني جنب ذا الشايب ,,واتلها
من تلابيبها واجلسها مكاان الشايب..
بدت الغفوه تعمل والراس قام يطرخ من النوم ,,,,اليييييين نسم علينا الهواء وقامت اختي قالت صكي الدريشه لفحني
الهواء,,قلت وش دريشته صكيتها قبل لا نقلع<<<<<ما تعوق معها
وانحن اللي نتلفت يسار وقدام ووراء وش السالفه,,,,قالت مليحه أويلييييه ما عااد فيه أحد لابس عباة ,,اللعبي
تهفهف لحالها .
قلت افاااا يا ذا العلم ما عاد الا أنا وانتي متغشيات,,وأنا اللي اهمزها نشلح ,,,
قالت مدري خاايفه ,,قلت
يا بنت النااااااااس
وحطينا عبيّاتنا في الكيسه والتفت على مليحه ولااها قاامطه في الكرسي ومنزله راسها
قالت ووووه أونس وجهي مكبوب عليه بريق فووح (أونس=أحس )<<<<لغير الناطقين باللغه العربيه
قلت اقري الاذكاار لياتس نظلتي ,,
عاد خذت لي غطيطه الين ما نفظنا ذاك المطب وانا اللي أقوم من النوم ,,
والله ولا مليحه وجهها مستاسع وتناظر في النااس وتبسّم
قلت:وجعتيييين ذي اللي مكبوب على وجها بريق فووح ,
قالت تهقين فيذااك عرق واستراحات
قلت :وشوووو قلنا افصخي العباة مهوب الاخلاق !!!
ان قاله الله حتى السلويديرما تطبينه تبين تبلين عيال الناس انتي ! عااد فيذا درك يمردغونتس يا العوباء مهوب هيئه يستروون عليتس...انحن جايين نسوي سكرراااب ونعوّد لأهلنا ما جينّا نتهيوج<<<<<أييه هين
وقطع محور حديثي رقلتن من الكابتن مهيب سهله وانوااااع التبغور من الناس همن قالوا ترانا نانصل اربطوا الحزام<<
بدري يا شيخ وشو عقبه .
وأهبد بالطياره هبدتن تصافقت منها فقرات رقبتي وأنا اللي أتشدد بمليحه الشرهه مهيب عليك الشرهه على من مسكك الطاره يا الأحوول,,ثمن قاموا يصفقون الناس وأنحن اللي نصفق معهم,,,بس الا الحين مدري لييه صفقوا!!
نزلنا من الطياره ومعنا كرت الفندق اللي ما ندري وينه فيه !!وطلعنا من المطار وأشرنا لــ الليموزين وقلنا له تكس<<نبي نكشخ انّا نعرف انجليزي
وارتجلنا التكسي وعطيناه الكرت قلنا ودنّا ,قل تكرم عيونكن
قالت مليحه استح على وجهك وشذا الحتسي !!ناظرها وتبسم!! قالت اييه هذا دواء اللي يفصخن العباة قلت أقعدّي يا
أنجلينا جولي ,,وأنتي اللي يناظرتس ما يعرف قدامتس من مقفاتس
وصلنا الفندق وأقوم وأنصىالثلاجه وانا اللي افتحها والقى غراش ضغيّره كلها ملح قلت يلعن أبو التطور حتى عصيرهم مقّنم بعذرهم نحيفين يشربون بالقطاره مهوب مثلنا ندع<<<(نهجم بشراسه),بـ ببسي حجم عائلي ليين ما عاد نقوى نلايمالعباةعلينا والكرشه غدت راعي رسمي لنا ولعيالنا
وأنا اللي أسمي وأقحنه مر طعمه بس هقيت انه للرشاقه ,,, واقعد وأفتح التلفزيون واقلب هالقنوات يوم جت مليحه والتفت عليها مااااش مهيب ذي مليحه قلبت ناانسي وأقرب وجهي من خشتها وأقول بنت ابو عجرم قالت :وشفيتس يا لشهباء انا رظيعتس تشبهني بذيك العوباء
وأقضب رويسي مدري وشفيه قلت وخررررري ابروووح
قالت وين تبين ؟؟
قلت:ابنزل حدر
قالت :ويييين تبي تفضحينّا تاتروحين تعطيهنم شووووط .,,,,
من أولها خراااب اصبري شوي لين نشوف وش انحن فيه وندل في الديره زين
قعدنا وريحنا ,,عاد الحين نانطلع نهجول وانا اللي انغز صفر وتحاتسيني ذيك المره قلت الله يعافيتس أنا واختي
مليحه ودنا نطلع نتمشى وقفي لنا ليموزين عند الباب تسان تخبرين شي قريب...
قالت ليموزين ,,سوري مس بس الاوفيس تبع الرينت ياللي بنتعامل معوا ما عندوا هالنوع من السيارات بدك رانج ولا جاكوار ؟؟؟
قلت:يقلع أم الفسقه ليموزيناتهم رانج وجاكوار الله يخلف علينا اذا كشخ كشخ ووصل حده صار الليموزين كامري,,
وأنا اللي التفت على مليحه قلت تبين الليموزين رانج ولا جاكوار؟؟؟؟
قالت:لا لا ابي تيرسل عشان اكشخ واصور فيها وأوريها صديقاتي
قالت:طيب بدكون السياره بموائف الأوتيل ولا يرجعا للأوفيس بالليل,,,قلت :لاااا وشدعوا لا يوقفها خليه يروح يسترزق
الرجال منحنب قاطعين رزقه
جاء الليموزين<<<الا الحيين مصره أنه ليموزين
وركبنا معه وقلنا له اقرب سوق ودنّا له,,رحنا لذاك السوق وأنوااااع التسطيل اويلاااه يا قلبي الرهيّف
وشذا النعمه اللي تمشي على الأرض كلهم زيوووووون ولا تلقون الشين
قلت :مليحه الحقي الحقي بلتثي أنتي وذا الراس ,,وأنا اللي التفت ولا القاها هووو وين راحت أختي ,,ولها جالسه على الأرض وماسكه راسها
قالت: وش الحق وش أخلي يبي لنا منقاش نلقط الشيون وينكم يا ربعنا اذا لمصق روحه و سكسك وأبرم روحه بثوب مخصر ولبس شماغ فالنتينو ويالله يالله استملح ما عاد يناظر من السماء كبر العباة ,,وذا لا بس له جينز أبو عشره وتي شرت سايل وتسنه
من نجوم هوليود <<<<<<<وحده أقصى أحلامها انها مع واحد يشبه خالد عبدالرحمن على كرسي ذهبي في الكوشه ..
ولا ذاااا البنات وش ذا الزين وش ذا الاجسام اويلاااه من يرقم لأخواني من هالصواريخ يا بعد أخيتهم ما غير مطامر ورى ذا البنات في المملكه والفيصليه وتمشّيه وراها 10 كيلوو وبالاخير تقوله نعم وشتبي ,,طيب يوم أنتس منيب معطيته وجه قولي له من الأول وشوله تعنينه أنتي وخشتس .
مشينا في السوق وعااد حريّم من محل في محل ودخلنا محل ذا الكنادر وأنا اللي أناظر وأناظر وخبري بأخيتي جنبي
ثمين ألتفت ولا الحرمه مشخصه على الكرسي والرجال يربط لها خيط النعله ويعلو محياها أبتسامة الرضاء والسرور قلت اللللله وأكبر عليتس نزعتي الحياء مرره وحده ,,,
قالت ياخيتي مزيووون وقال بدي اربط لك الفرده اليمنى قلت واليسرى فدوة عيونك الزرق .,
المهم خذت الفرده وهي لو تلقاها في الهرم بعشرة ريال ما خذتها
دجنا دجنا في السوق ليين خاب ثنانا ونجلس لنا في احد هالقهاوي ويقعد جنبنا ذا الصاروووخ اللي اطلق من أختي مليحه <<<الله من زين الأخت عاد
واناظره وأبتسم مير ما عطااني وجه قلعته هو الخسران
وتقهوينا ويجي ذااك الشين وهو اللي يناظر فيني انا ومليحه
ما صدقنا أحدن يناظرنا عاد صدق أنه شين بس مااش رف له قليبي ومر جنبنا
قال: من الجماعه
قلت أفا يا ذا العللم أنا اقووول ورى قلبي رف له أثره من شهبااانا تغطي تغطي مليحه
قالت نعنبو بليستس وش أتغطى به تسان بالمنيو
هجينا عقبها من السوق وقلت للسواق أنتا معلوم

قال:عفوا انسه
واموووت فشيله أشوى اني ما غلطت وقلت العويس
قالت اختي وش نبي به خنروح لسوق ثااني
قلت: ماار انتي جازت لتس سالفة الأسواق ,,خنروح مكان نستفيد منه لعل الله يبعث لنا عقبها رجل يظف خششنا عن أهلنا ,
دخلنا ولا تقولون داخلين عرس هي البااس وعطوراات ورويساتنا تقولون مراووح قعاديه من التلفت وفجأءه زعقت مليحه شوووووفي
قلت: وشو وووووو
قالت: محسن
قلت: وش محسنه
قالت :ولد جيرانّا يشيش السربوووت
قلت خلي الشيشه عند ذا الشقرا اللي جنبه أفا يا عياال الحمايل
لاااا ومسوي فيها اذا طلعنا أنحن وياه سواء بغى ينكسر يقالك يصد عنّا,,والله يا لولا ها النااس اللي حولي أني ل ألقط لك صوره وأفضحك بين العربااان
قالت مليحه الخووفه عليتس أنتي ولا هو ناقل عيبه في جيبه
قلت عااد اذا صورني أحد ما أقول ألا حسبي الله ونعم الوكيل
قالت: مليحه الا ما حدنا ربي نفررع شوفي الاجاويد اللي بحجابها واللي بعباتها كلله منتس أنتي اللي فانه ذا الفن قايله لتس خلتس من الليبراليين وش بينفعوونتس به اذا انتشرت كشرتس بين هاللشباب
ايييه قعدنا نتمشى وتسنى بالعيد كل شوي نوقف ونسلم ,,الين خدرت رجلينا من المشي لااا ومن زود التميلح لابسين كعب 6 أنش ,,ورحنا للشارع عشان نمشي للفندق ولاها بوقفة ذاك البورش ولوحاته سعوديه ,,وأنا ذا اللوحاات مهيب غريبه علي !!!الا يوم نزل ذا الواحد منها وأنا اللي اتمقل فيه ذا الدميجه أعرفهاا؟؟؟؟؟؟
سعوووووووووود ولد عمتي سوير
الا يالخبيث عقب الفورد العناابي 91 بورش مررره وحده ,,,شوووفي الله من الموقه اللي يشوفك يقول السرايا حقتكم ساده بوابة الرياض وأنت عروة باب حجرك طايحه والستااير ما طبتها
قالت :ملييحه ما عقب ذا شي تعالي نتاورى عن الأنظار ,,,فييه جزو ثااني بس هونت لا احطه وأنثر الزبده على طوول
لأن كثرة البربره مالها سنع <<<<وجه مبتلش بقوووه ما يدري وشلوون ينهي

الزبده.....
*_أختي تررى حجابتس هــو رمز عفافتس لا تخلينه مهما حدتس الظروف ولا عليتس من فلانه وفلنتانه
*_لا عمرتس تسافرين بدوون محرم ترى بتوهقين وااجد<<<وجه مرتااع
*_أيتها الشابه الجميله اذا جاتس أحد وقلتس يؤبرني هاللزين كله ولا شو هالعيون ما في متلا بالكون فتراااه يهك عليتس لا تأخذين مقلب بروحتس.وتكبين العفش له ؟؟؟
*_أخي الشاب الوسيم تذكر اذا سافرت برا ان فيه أختراع أسمه جوال كاميرا

واذا اعجبتكم علموني احط الجزء الثاني cu