اي والله ضايق ومرهق ومخنوق وحزين=واما بموت من الوله والا بموت من القهر
واللي لعب في حسبة ايامي وخلاها سنين=اني على ذا الحال ياشعري لي اكثر من شهر
بعت المدينه لأجل عين وقالوا الخافي يبين=ودفنتك بجوفي وقالوا وش بقابك ماظهر
يامطول الغيبه ياطول الشوق مير الله يعين=العاشق اللي عاش ظامي بين عدك والنهر
عيدبي غيابك سنه والليله من العايدين=ولاعاد عيدك يا الجروح اللي بقلبي من دهر
ياصاحبي لو تعتذر عن غيبتك عذرك سمين=حبك بعد ماغبت عن عيني تمادى وازدهر
من يوم شفتك والنعاس بعينك النجلا سجين=ومن نفس ذاك اليوم وعيوني سجينه للسهر
علقتني بالضحكه اللي تسبق الغمازتين=وتركت لي شاعر كتب فيك القصايد واشتهر
سيلت دمعك واستباح الدمع ستر الياسمين=وعلمتني كيف الندى يجمل خدود الزهر
ليتك عقب ماغبت غيبت اشتياقي والحنين=او ليتني ماقد دفعت احلام عمري لك مهر
وياصاحبي لاعاد تنشدني عن الحزن الدفين=اقسى الطعون الطعنه اللي من حبيب وفالظهر
العرض الشجري