الصيف قرب

[الغريب]

هذي قصيدة للشاعر/ عبدالله بن مناحي العصيمي

ارسل له خويه رساله على جواله نهاية الصيف الماضي
والرساله هي

الصـيـف قرب والمـطـارات ملـيـا= والحجز ملغي والمزايين في الشام

ورد بهذه القصيده على البيت فقط اللي ارسله له خويه
ويقول عبدالله

الحـجـز ملـغـي والمـطـارات مـلـيـا =ولا همنـي مليـه ولا روحـت الشـام
يهـمـنـي شــوفــة ظــبــي جـفـلـيـا=مربـاه نجـد وشوفتـه تبـر الاسقـام
ليا قام يضحك لـي ضحـوك الغزليـا=يضحـك بغـر كنهـن صـافـي الـخـام
مـن فلجـهـا مـزيـت طـعـم العسلـيـا=مـن مبسـم حـمـر شفـايـاه وانـعـام
والـخـد بــراق صـــدوق اشتعـلـيـا =نوه صدوق وفاضح لليـل الاضـلام
والرمـش مـن رب العـبـاد اكتحلـيـا =ماشالـت المكحـل ولا كحـل الاقــلام
عـكـش مظالـيـل زهـاهـا الخجـلـيـا=مع قرضـة البرقـع يسنـن الاسهـام
ولبـة نحـر تشـد القمـر ليـا اكتمليـا =والقـرن سبـاح علـى ذيـك الاقـوام
والـــردف مـزبــور وراه انعـزلـيـا=والوسـط ضـامـر والنواهـيـد قــدام
عمره على العشرين لا مـا اكتمليـا =تفـداه بنـت الـشـام وديــار صــدام
ليـا اقبـلـت اجــزل بيـوتـي جزلـيـا =وان شافني يشدي غطاريف وانغام
مثـلـت مــع خـلـي سـلامـه وعلـيـا =بالحـب والا ديـنـا شــرع الاســلام
والمعـذره يـا اهـل الوفـا والفضليـا=وضحت مكنوني على شان ما انلام
فـي حـب مجمـول لـه الـريـم حلـيـا=تعبت لجل رضـاه واشقيـت الاقـدام
ولا طعـت فـي حـبـه كــلام العذلـيـا =نـاس تقـول الـحـب تالـيـه الانــدام
لو كـان جسمـي بالهـوى قـد نحليـا=يدريك عن حالي غـدا جلـد وعظـام

سلامتكم
عز الله انه رد عليه رد يشفي الغليل


منقول

[المستشار]

ولا طعت في حبه كلام العذليا
ناس تقول الحب تاليه الاندام


تسلم يا الغريب على النقل الجميل والقصيدة الحلوة وصح لسان قائلها.

واسمحلي بتعديل التصميم ليظهر بالشكل الحالي .

تحياتي

[الغريب]

الف شكر لك على التعديل ومرحبتين بك ويسعدني انا اعجبتك

[admin]

يامرحبا بالغريب وتسلم علي هالنقل الرائع وصح لسان الشاعر علي هالقصيده الجزله

[الغريب]

حاضرين للمدراء

[cool]

السلاااام عليكم ورحمة الله وبركاااته

يهمني شوفة ظبي جفليا
مرباه نجد وشوفته تبر الاسقام

ومن قااال سااالم الغريب وصح لسااان الشاااعر عبدالله العصيمي .

تسلم على الاختيااار ولا هنت.

كـووول