قصيده رثا ء في امير القلوب
^^^^^^^^^^^
عتم سراج الليالـي وإنطفـى نـور العيـون
وإنكسر حلم الأماني وإنتكس جفـن الكويـت
هلت دموع المـوادع وإنتشـى ذاك الجنـون
وإنهدم صرح المعالي يومك لعرشـه جفيـت
جيت أنا لدسمان أنادي وحدك لأرضي تصون
جيت أبسأل كل شارع شامـخ بفخـره حييـت
وين شيخك وين عرشك وينـه الليلـه يكـون
دامـه اللـي بالمحانـي بانـيٍ عـزٍ وبيـت
ياكويت إرمي عيونك شوفي أمجاد وحصـون
شوفي شلونه تعلـى حلـمٍ أرقـى ماطويـت
شيخنا جابـر وأبونـا عالعمـر هـذا يمـون
لو يبي فدوه رقـابٍ تنكسـر لجلـه وجيـت
جيته أرمي كل شيٍ داخلي .. هم .. وشجـون
لعنبو يوم المفارق .. إبكـي إبكـي ياكويـت
شققي ثوب الأماني وإنزعي لسـان السكـون
وإذبحي كل المشاعر ... ياوطن جرحك حويت
جابـر الأحمـد أبونـا سيدنـا درعٍ وعـون
أقسم إنك بالمعالي لو علـى جسمـي مشيـت
يابعد راسـي وكلـي يايبـه صـدرك حنـون
من عيونك في حياتي يابعـد كلـي إستحيـت
عالمي كله حبيبـي لخاطـر عيونـك يهـون
جابـر الأحمـد حياتـي لالالالا مـا كتفيـت
شوفها كويتك حبيبي بس لقـى عيونـك يبـون
كل ما هلت نسايـم داخـل أنفاسـي طريـت
والمشاعر هي مباني فـي شموخـك يرتقـون
يـا يبـه جيتـك أدوّر حضـنٍ بـداره بديـت
قالت طيورك مسافر قلت أنـا بكـره يجـون
إيه نعم فعلا وشفتك ولغلـى عشقـك قريـت
يـا شـراعٍ للمعالـي هـادمٍ كـل الظـنـون
مبحرٍ بيـن المحانـي راسـيٍ فخـرٍ جنيـت
شفتك بكـل الأماكـن عـن غلاتـك يعلنـون
شفتك بعين الطفوله وكل شـيٍ لـه حصيـت
شفتك بعيـن اليتامـا مـن حنانـك يرتـوون
شفتك بذيـك المعالـم يـا يبـه فخـرٍ عليـت
والشواطي اللـي تحبـك للمدامـع يذرفـون
والخليج أبكى عيونـه دامـك بطيبـك طغيـت
يسكب الدمع بحشاها... جونها ماهـو بجـون
هذي دمعه من عيونه طاحت بصـدر الكويـت
طاحت بوسط الخريطـه والحنايـا يحضنـون
طيفك اللي لو عبرهـا لهامـة الدنيـا وطيـت
إيه نعم لك حـقٍ إنـك تاخـذ العقـل بفتـون
قلبـك اللـي بالحنايـا طفـلٍ لعـزه سقيـت
هذا ماهو قلب أبـدا هـذا دنيـا وسـط كـون
لو عبر عنها خيالك في مـدى دمـي سريـت
يا أبـو مبـارك نحبـك والمشاعـر يحلفـون
يا عسى رحمة سمانا تكلل اللـي بـه سعيـت
قمت أحس إن البرايـا بالخبـر لـك يكذبـون
ترحل وكل الليالـي دونهـا دمعـي رضيـت
زلزل العالـم رحيلـك والمحانـي يشهـدون
يا يبه كلي فديتـك ومـن بعـد كلـي فديـت
المعالـي فـي غيابـك مـن عناهـم ينتهـون
يـا حبيبـي كـل شـيٍ إلا بعـدك ماهقيـت
والمدامع يـا حياتـي برقهـا لجلـك يهـون
من على فرقى خفوقك زاهرٍ صوتٍ وصيـت
حافظ الأرض الكريمه كويتك لعـزك تصـون
مكرمٍ شعبك وكـارم دامـك بمجـدك هنيـت
ما تقصر فـي يمينـك والمشاعـر زيزفـون
عطرها ماله مثيـلٍ .. راقـيٍ وإنـت رقيـت
كل شيٍ في غيابـك منحنـي مثـل الغصـون
شوفه القلب الكويتي من على دمعـه سطيـت
دونك الديـره يتيمـه .. بالمواجـع يسكنـون
شوفها أرضك حياتي .. قالت لعينـك بكيـت
وإكتسى حلم الأماني لونٍ أبـدا ماهـو لـون
شوفها كويتك عيوني ... تكتب اللي به رضيت
كـل دارٍ فـي ألمهـا تنتثـر مـوت وغبـون
والعنا بين المواجع قـال تكفـى لـك شكيـت
جيت أبرثي عيوني اللي للمواجـع يحصـدون
دام أنا حالي يتيمـه بالحـزن دونـك صفيـت
بشتك ودربك ونورك ... دايم بذكرك يجـون
آآآه يا حالٍ بدونك ... كم لجل أرضك شقيـت
كم تحملت الليالـي ... والمشاعـر ينزفـون
دايم لـدارك تعمّـر ... عـزٍ كويتـي بنيـت
ديرتـك تبكـي غيابـك والمحانـي يكتـوون
ودعت فيهـا أبوهـا آآآه يـا عشـقٍ عطيـت
ودعت كل المعالـي وإنحـدر دمـع العيـون
يدعي المولـى يزيـدك رحمـةٍ دايـم وليـت
ليت روحي ياحبيبـي فـدوه لعيونـك تكـون
والقدر ماله خيارٍ .. دامـك بطيبـك سميـت
عتم القلب الكويتي ... فـي غيابـك ياحنـون
وإنتكس جفن الشوارع يومك لعرشـك جفيـت
من على دسمان يبكي عـزٍ أعـلاه الشجـون
وأصحبت دارك يتيمه ... إيه يتيمه يا كويـت
مستر صلا ح العلي
01-04-2006, 03:06 AM
العرض الشجري