مساجله بين(ابن عون العتيبي وابن ضيف الله الدوسري)الجزء الاول

[المحترم]

قصيدة الشاعر عبدالله بن عون العتيبي : ( ما عينتناه ) .

بارك الله في نهار غدا فيه البعير

أثر بعض المال تظهر بركته في شقاه

أشهد انه عقب ضاع سوى فيّ خير

بارك الله فيه ليته تقدم بمغداه

كان متعب طاعني عن دورته يستخير

بصر دوار البعير إن لقاه أو مالقاه

عقب ضاع مدرمح العين خير الله كثير

عاضنا الله فيه بمشاهد الوضحا الفتاه

يا صباح الخير والعيد واليوم المطير

يا مشاهد واحد ردّ فالرّوح الحياه

يوم واجهني على موترٍ دوبه يسير

قلت يا سبحان من صوّره وأكمل حلاه

كنّ عينه عين حرٍ تنهّض للمطير

وعاتق آدمي تذيّر بعد شاف الرّماه

يوم جينا راعي البلّ ونيتنا تحير

ماعرفنا وش نسوّي ولله السّواه

بسّ أناظر به وادير الفكاير واستدير

في نتال بقلبي وفي كبدي لواه

قلت يا راعي البل عسى دربك سفير

ما ذهبت النا جمل. قال : ما عينتناه

ــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــ

ــــــــــــــــ

فردّ عليه الشّاعر : حسين بن ضيف الله الكبرى الدّوسري .

( ما نــبــاه )

هيه ياللي بالمضامي تعرّض للصّدير

لا تعرّض مومنٍ حافظٍ فرض الصّلاه

الذّهب والماس يفرق على سلك الحرير

شوف ضلع ( النّير ) دوّر ذهيبك في حصاه

يا مدوّر لا تحطّ المنافق لك شوير

المنافق جنّبه كان ربّك ما هداه

اللّغه بين القبايل لها شانٍ كبير

ليه ما قالت كلام المدوّر مانباه

انت ابن عون ولد من يفكّون القصير

والسّوالف بيننا لا يجي فيها اشتباه

الرّجل يعرف وبعض السّوالف ماتصير

والفلك دوّار والنّجم خلّه في سماه

ياستاذ الشّعر قبلك سمع صوت النّذير

والمها محمي وحكم الشّريعه من وراه

ماخبرنا هذيل تاسم مثل وسم الظّفير

والمعاني واضحة والدّهر يطحن رحاه

والحكم من حدّ الأردن إلى ديرة عسير

ومن يخالف شرعنا قطّ راسه فالصّفاه

والسّلام ختام والسّالفة بير غزير

والقصير ليا نزل عندنا ناسم عصاه

ــــــــــــــــــــــــــــــــــــــــــــــــــ
وللعلم ان كلمة (ماعينتناه) تخص الدواسر دون غيرهم
وقام الشاعر حسين الدوسري بفك الشفره ورد عليه بكلمة (مانباه)وهي تخص العتبان دون غيرهم وقصة المساجله تعرفها ابياتها

[cool]

السلاااام عليكم ورحمة الله وبركاااته

صح لساااانك المحترم وصح لساااان الشاااعر عبد الله بن عووون ولسااان

الشااعر حسين بن ضيف الله .

تسلم على اختياارك الرااائع وان شاء الله يستمر توااصلك .

كـووول

[الشامرى]

الاخ المحترم
لاهنت على الاختيار الموفق
والصراحه اقدا الدوسرى فى ابن عون العتيبى
يحسب ان الدعوى فوضى العتيبى .

[المحترم]

اشكر اخواني (cool) و (الشامري)

على مروركم واشادتكم

تحياتي....(المحترم)