قريم الدوسري يمدح الشيخ خليل بن مهيد

[بدر الوادي]

سلام عليكم ورحمة الله وبركاته


يشرفني اني اكون احد اعضاء هذا المنتدي
وحبيت انقل لكم هذا الموضوع وان شاءلله يحوز علي رضاكم:
ولكم التحيه:

من شعر الشاعر: قريم الدوسري من الشكره هذه القصيدة يمدح : الشيخ خليل بن حاكم المهيد العنزي بعد أن جاء وافدا علي الشيخ خليل وامضى في مضيفه فتره من الزمن يتحين الفرصة لعله يسأله وفي أحد الأيام حصل نقاش علي قصيدة الشيخ راكان بن حثلين التي منها قوله: ما قل دل وزبدة الهرج نيشان...والهرج يكفي صامله عن كثيره

فأغتنم الفرصة قريم خلال هذه المناقشة وأستأذن من الشيخ خليل وقال

يا الله طلبتك يامدير الهبايب.....يارافي الخملات حنا برجواك
تفرج لمن كثرت عليه المصايب.....ياغافرالزلات يامجري الأفلاك
وخلاف ذا شديت عوص النجايب.....أنصا الشيوخ البينه عقب مانصاك
خليل يا أبن مهيد جنك ركايب.....ركايب من ديرة البعد تلفاك
ركايب ماشدهن كل خايــب.....ولاظن ينصن غيرمثلك وشرواك
صاعك كبير وتحتمل للنوايب..... ياراعي العليا عسى الرب ياقاك
شيخ ولد شيخ علومك عجايب..... وأنت الجواد اللي كبار عطاياك
جدك مصوت بالعشا باجذايب.....في نجد ماعينت مثلك وشرواك
ما قل دل وزبدت الهرج صايب.....والهرج يكفي صامله دوم عن ذاك
الدوسري قال العلوم الغرايب.....مخطاك ماصابك وماصاب ماخطاك
وصلاة ربي عد مزن السحايب..... واعداد بدو زوعوا في هداياك

ولكم التحيه:اخوكم بدر الوادي