الموت موت القلب ودموع الاعيان=توصل الاحساس بأصدق وسيله
والشعر بوح الصدر والشاعر احيان=مايدري بحزنه سوى طول ليله
ومن طول ليل البارح وثقل الاحزان=عرفت وش معنى الليال الثقيله
ما والله أصعب من شعورك بفقدان=اللي معلمك الحياة الجميله
الا انك تحاول تترجم على (لسان=شعرك) مشاعرك الجسام العليله
وشلون اغني لانشف ريق الالحان=وشلون ابكتب والمعاني بخيله
في موت امير قلوب ومعلم اذهان=وريث مجد ال الصباح وسليله
مفني حياته بالمكارم والايمان=العادل اللي راح مابان ميله
حتى خبر موته قبل صوت الاذان=كنه يصحينا لكسب الفضيله
ياجابر العثرات والدمع هتان=ليت الدموع ترد خل لخليله
ياسيدي مت ومعك مات نسيان=طيبك وقدرك والفعول الجليله
غبت وبقيت لطيبة القلب عنوان=وغبت وتركت الخير يفقد عميله
وغبت وحكت الابراج عن حزن دسمان=وسيل دموع السيف حزن المسيله
ورغم اختلاف الشعب بعروق واديان=في حب جابر كلبونا قبيله
ابو اليتامى والارامل والاحسان=راع الجمايل واليمين الطويله
من طيبه بشعبه تمنته الاوطان=ياكثر من وده بحاكم مثيله
وان قارنوا مابين ذربين الايمان=تفرق يمينه بالعطايا الجزيله
ويوم انطعن من كف غادر وخوان=سوى السواه الصعبه المستحيله
قام الشجاع وعدها كبوة حصان=واحيا بلد كانت خراب وقتيله
ياعل قبره روض جنه وبستان=وعسى كتابه في يمينه يشيله
وعسى العوض فأميرنا عالي الشان=ويجبر مصاب قلوبنا في بديله
ونبايعه بالحب قايد وربان=دام الاصيله للشيوخ الاصيله
وتبقين ياكويت الرخا عبر الازمان=درة خليج ودار خير وفضيله
للمبدع القادم بقوه / محمد بن جار الله السهلي
واعذروني ان وجدت اخطاء
12-03-2006, 01:43 PM
العرض العادي
