أ- أب دخل على غرفة ولده وشافه واهو ماسك التلفون ويكلم بنت.
ب- أب دخل على غرفة بنته وشافها واهي ماسكة التلفون وتكلم شاب.
بالحالة الأولى وفي الغالب ماراح يتكلم الأب وإذا تكلم راح يقول لولده يولدي عيب وأوعدني انك ماراح تسويها مرة ثانية مع ابتسامة تعلو وجه الأب ( وبقلبه يقول الله ولدي صار رجال والله وكبرت يافلان وتكون الفرحة مش سايعاة وزغروطة ياحبايب)
بالحالة الثانية راح يدخل الاب ويعطي بنتة هذاك الطراق المخمس اللي يطّير شوشتها ويؤدي بدورة الى تكسير ضروسها وشعورها بدوران ومن ثم سقوطها على الارض مصحوبة بركلات ورفسات وضربات مبرحة طبعا غير الشتايم ويابنت الـ ....... ويا........ مع حرمانها من الدراسة ومن الخروج من غرفتها حتى الى الصالة ( زين يخلونها تروح الحمام ) وماابالغ اذا قلت حرمانها من الحياة نفسها
بشـــــــــــــــــــــرع أهلنــــــــــــــــــا: الرجل عادي يسوي أي شي لانة رجل ( بالكويتي نقول ريال شايل عيبة وياكل ويمش بالطوفة ) اما البنت فحسب الاهل اذا كانوا شوي متسامحين بس راح تقتصر المسالة على ضربها ويسوون فيها عاهة مستديمة ويحبسونها واذا كانوا متشددين راح يذبحونها ويدفنون عارها ( أي عار واهي مابينها وبين الصبي غير التلفون يعني لو تشوفة صدفة بالشارع مرااح تعرفة )
بشــــــــــــــــــــــــرع اللــــــــــــــــــــه : عقاب الرجل يساوي عقاب البنت إذا مااقترفا نفس الفعل ( السارقة مثل السارق والزانية مثل الزاني والعاقة مثل العاق ........... )
وحاشا رب العالمين إن يكيل بمكيالين واهو العادل القاسط
شفتوا شريعتنا وين واحنا وين فيا معشر المسلمين بأي حكم تحكمون
10-02-2006, 08:43 PM
العرض العادي
