|
من اجمل القصايد بين الشيخ بن حميد والشيخ بن هادي
من اجمل القصايد
يقول الشيخ الفارس تركي بن حميد رحمه الله
يازبن كرّب فـوق مايطـرد النـوم=حرايـر(ن) يازبـن مثـل الاهـلّـه
مرباعهم مابين ظلـم(ن) والاكمـوم=ومـن السفايـف يرمحـنّ الأظلـة
ملفاك شيخ(ن) بالقسا يذبـح الكـوم=شيخ(ن) وشيخـان القبايـل تدلّـه
تلقى محمد زبن من كـان مضيـوم=زبن الذليل اللي مخيـف(ن) محلّـه
واليا لفيت الشيـخ يازبـن ملـزوم=تعطيه مرسوم(ن) بوسطـه سجلّـه
وان كان جيت النضو يازبن ماسـوم=رد الخبـر والنضـو يازبـن خلّـه
جانا من الشايـب مكاتيـب وعلـوم=حيّ الكتاب اللي لفا حشمـة(ن) لـه
الشايب اللي ينقـل الكبـر والـزوم=باغي لحكمي مير انا عاصي(ن) لـه
الله يغشّـك يـوم غشّيتنـا اليـوم=تقـرا الكتـاب ولا تهـاب المظلّـه
جزاك من عندي من الخيـل حثلـوم=مثل البرد مـن مزنـة(ن) مستهلّـة
إن كان تذكر سابق(ن) لك من اليوم=فرس عتيبـي ورد شاهـد(ن) لـه
أنا برمحـي بـاول الخيـل ملحـوم=والا انت رمحك عند سـارة تشلّـه
أديت انا اربع قحص والخامس التوم=بقعود زبن اللي بغا مـا حصـل لـه
لا والله اللي روحـوا ربعنـا قـوم=تنافضـت مـن بينـهـم بالأجـلّـة
والحرب شب وشبشبة كـل شغمـوم=من اشتبه مخ الفرنجي عصا(ن) له
إعرف ترى من طاح ماهوب مرحوم=ياكود من رب الملا شافـع(ن) لـه
شافي وجرمان غدوا بـاول القتـوم=خلوا مطّوعهم وانـا شاهـد(ن) لـه
خلوا مطوعهم على غوجـة التـوم=عزّي لمن حطّ الردي مسند(ن) لـه
وانتم كما حوت(ن) على الشط لاهوم=وحنـا خلقـنـا للواهـيـم عـلـة
وانتم كما ضلع(ن) طويل(ن) ومزموم=وحنـا خلقنـا الله نجـوم(ن) تهلـه
وأنتم كما طير البحر ذاك ابا الحـوم=وطير البحر مايذبحـه غيـر ظلّـه
رد ابن هادي :
حيّ الكتاب اللي من الـزاج مرشـوم=حيّه وحيّ اللي مشى حشمـة(ن) لـه
ساعة قريته شفت ماعفـت مرسـوم=ردّ النقا تركي وهـو منحـي(ن) لـه
يا سابقي غاشن عتيبـه منـك لـوم=مثل الربيع اليـا غشـى نجـد كلـه
كدّي على العتبان خمسة عشر يـوم=قعدان والجمّـال بيتـي هـل(ن) لـه
أطلب عسى نجد(ن) من الوسم ماسوم=حتى تقرّب حلّـة(ن) صـوب حلّـة
وان كان رمحك بأول الخيـل ملحـوم=فانا برمحـي حامـي(ن) نجـد كلّـه
من شافنا بالحلم يقعـد مـن النـوم=ومـن شافنـا بالعلـم بطنـه يهلّـه
عدونا لو جض فـلا هـوب مليـوم=واللي وراه يجضّ من جضة(ن) لـه
حربـك اليـا جانـا نقلنـاه بسهـوم=وتر حربنا لا جاك مـا حتلـت شلّـه
وان كان تطري النجم فالنجم مفقـوم=والنجم يدوي والجبل راسـي(ن) لـه
مانشتحن للحرب والحـرب مفهـوم=ويا سعد من حن باللقا فزعة(ن) لـه
ماخلقت الدنيا ولا النـاس فـي يـوم=واللي تمنّى حربنـا مضحّـي(ن) لـه
وان كان في نفسه فلاهـوب مليـوم=نعم الشـوارب وافـي الشبـر كلـه
متخالط(ن) مابيـن عتبـان وبقـوم =والله علـم فـي دقّ سلكـه وجـلّـه
__________________
سـلام يامـن جابنـا رسمـه ونبـه**على سلومٍ سايره بين العرب
من الشـلاوى اللي لهم عاده وشبه**كير الحرايب يوم نيرانه تشب
احزامنا شغل النيامس وام حبه**ومسلبن فيماننا يقضي الطلب
كم شيخ قومٍٍ في ملاقنا نذبه** بالمرهفات اللي تذب الروس ذبّ
راس يناصبنا وراس ننتصبّه** والراس الأنصب كل ماطِق أنتصب
|
03-02-2006, 03:38 PM
العرض العادي
