سم طال عمرك

[رعــــــــــــد]

هلا بالحبايب ..

وعلى الله الرقيب يخف علينا شوي .. ترانا نتعب .. ..

سم طال عمرك .. والرأي رايك .. والشور شورك .. والشيوخ ابخص .. والارض وماعليها لنا .. واوب ورثنيها من الشرق والجنوب ..

كلمات يمكن سمعتوها علناً أو تلميحاً ..

الاستعباد ظاهره لازمت دول الخليج وماحولها من الممالك والدول التي ينام أصحابها على العرش لسنوات .. بل لقرون ولو وصل للموت يعيش ويرجع ليكمل مسيره النماء والرخاء .. ودام عزك يابلد .. ...

في مقابله قبل فتره في قناه الجزيره وفي برنامج الرائع احمد منصور بلا حدود مع أحد عيال الاسره ..

يقول وبملء الفك الغروري ... ( مو ذنبنا إذا الله خلقنا ملوك ) ..

قسم بالله بغيت افجر الاستراحه ذاك اليوم ..

يعني إلى هذه الدرجه من الغرور والنرجسيه والبتاع كله ..

ولا ومن زين الحكي يقول ...(رئيس مصر).....الله يحفظه يوم سألوه عن إمكانيه أن ولده يصير رئيس جمهوريه حولنا وحوالينا .. ثلاث ارباع ميزانيتنا عندهم ..

قال والله لو صارت ممكله يصير ولدي عليها ملك ... حنا ملوك .........

ياساتر يارب .

ليه ياخي ..

الله سبحانه وتعالى يقول ( إن اكرمكم عند الله اتقاكم ) ..

والرسول صلى الله عليه وسلم يقول ( لافرق بين عربي ولااعجمي إلا بالتقوى ) ..

وابراهام لينكولن ريئس الولايات المتحده القديم ومحرر العبيد الذي قتل من أجل قضيته الشجاعه بمنع الرق وبيع الاوادم كالخرفان والذي دفع حياته ثمناً لتمسكه بمبدأه العظيم قال .. ( الله خلق الناس سواسيه ) ..

ياناس افيقوا من غفلتكم .. عصر غصب ورى خشمك .. وهذي أرضي وأرض ابوي وخذناها بالسيف مدري بالمحش .. ولّى وراح ..

ماعاد ينفع هالحكي ..

شوفوا العراق وش صار .. وين صدام ووين عزه ومجده وخضوع الشعب له ..

من زود طغاه حط له ( 99 ) اسم مثل اسماء الله .. الله يخسه ويقبحه .. وألزم العراقيين الضعوف يشترونها ويحفظونها ..

شوفوا وشلون الطغى ..

فيه كثير من الدول تشوي ولاتزال ويمكن تغظي على فعايل صدام .. ولكن الثور صدام مايعرف شيء اسمه ( بالخش والدس ) .. علنيه ويفتخر بها الله ياخذ عمر العدو .. يحسبها بتزيد الهيبه ..


لكن الحبايب الباقين يسوونها وبشكل لايتصوره عقل ولكن بدلوماسيه تقتضي وتتمحور حول .. انثبر وكل تبن ولاكلمه .. واجلد ياجندي ..

اساليب جاهليه ومفردات عقيمه حكتها في السابق الحاجه والفقر .. والان السيف والقوه والوصول إلى المجد بالتزلف واللسان المعسول والنفاق ... وإلا والله ماتعيش ولايدري عنك احد ..

حالهم مثل اللي يغنون الحين ..

كان رجال جب وراك اربعين بنات مفاصيخ ..وخلهم يرقصون تقل فيهم زيران .. وشف وشلون الارباح ..

وإن كانك بنت .. ماعليك إلا شف حركات ولبس هيفاء وهبي وطبقي زيها .. وكلما ماخففتي اللبس زادت الاراباح .. معادله عادله ..

وهذولي مثل .. اكذب ونافق وامدح بالكذب وقصايد وكلمات ومدري وش ..

وشف وش تصير ..

افتح الجرايد وشف ...

خل واحد من المسئولين الكبار ... الكبار يعني .. يفتح ملحق في مستوصف مستأجر .. في طرف الخاتله ..

يووووووووووووووه ... تقوم الدنيا ولاتقعد ..

ملاحق صحفيه .. وكلمات يرغمون أصحابها على إملائها وكتابتها .. غصب ورى مناخرهم وطويل العمر باني وهادم .. وقائد ومدري وش ... وكأنه صلاح الدين والضرغام الهمام ...

يعني إلى متى الاستعباد والخضوع والذل ..

وإلى متى عقولهم ستبقى متحجره ومتخلفه ومغلفه بغطاء السمع والطاعه مهما كان ..


اييييه الله يرحمك ياعمر بن الخطاب يوم يقول لعمرو بن العاص حين جنح ابنه ولم يعاقبه ..

( متى استعبدتم الناس وقد ولدتهم امهاتهم احرارا ) ..

وينك يابو حفص تشوف حالنا وحال الطراره الاصليه والمتزاديه علينا ..

شكراً طال عمرك على تحمله القراءه إلى النهايه ..

و















مالقى عندك وظيفه لو سمحت .. لو على بند التيوس .. اقصد الاجور ..



تحياتي ...
منــــــــــقووووووووول