السلام عليكم ورحمة الله وبركاته
الله اكبـر ياحبيـب يشـح ولا يـجـود =كل ما اقرب منه يبعد وانـا منـه ابتعـد
عقـب قلبـي ماتعلـق بقلبـك يالعنـود =اشعل النيران في الوصل والقاهـا بـرد
كل ما انوي البعد قلبي يصيح (ابك)الركود =صيدتك ياراعي العـرف تحتـاج الركـد
بس اشوف صويحبي ماخذن حالة جمـود = قلت ابصبر يمكـن يحـن تكفـا ياحمـد
كل شي يهون لصويحبـي غـظ النهـود = دام قلبـي ناصحلـه فيبشـر بالسـعـد
لاذكرته هان في خاطري قـول الجـدود = عز نفسك لاتعود مـن اضعـاف الجهـد
بس كان الخل عانـد وجازانـي صـدود =والله ان اقطـع عـروق المحبـه للابـد
قاله اللي مانـزل دايـم دربـه صعـود = في دروب الذل والهـون ماهـو ينوجـد
ضاع صبري والخلايق على قولي شهود =اذلفـي ياجعـل دنيـاك يملاهـا النكـد
دنيتـك يالادمـي دايـم نـقـص وزود = وانت بعدك زود واللي زرع زرعه حصد
وســـلامـــتـــكـــم
28-01-2006, 01:08 AM
العرض العادي
