دايم اشوفك حتى بأحلامي تجيني

[صـــبـــــــــا]

كيبورديه عابره

أتمنى ان تنال استحسانكم .....


,

تسلم عيونك يابعد قلبـي وعينـي

..........................ويسلملي راسك يابعد روحي وراسي

لوكان عمري يابعد عمري بيدينـي

..........................أهديه مثل العين لك يااغلى ناسـي

أنت الشراع لمركبـي لاتـاه فينـي

..........................وتدري ان الشراع لمركبي اساسـي

أنت الامل من شوفتك تبداء سنينـي

..........................حبك بقلبي ياحبيبي مالـه قياسـي

دايم اشوفك حتى بأحلامـي تجينـي

..........................وأتذكرك اناحتـى لوكنـت ناسـي

قطر الندى عانق زهور الياسمينـي

..........................وفاح العبير بطلتك ياعقـد ماسـي

لو فيه مثلك ياغلا في الواصلينـي

..........................ماعاشوا الاحباب في حيره وماسـي

أبيك حتى ياحياتـي لـو ماتبينـي

..........................وأبعترف أنك حياتي وتـاج راسـي

كل ودي

صـــبـــــــــــــأ

[مهرة الصمان]

صح لسانك وسلم قلمك
غاليتي صـــبـــــا احساس صادق من انسانه رائعه ولا تكتب الا الأروع تقبلي تحياتي وتقديري ولك مني كل المحبة

[صـــبـــــــــا]

جفــــــول

صح قلبك وكلك

بصمه واضحه لوجودك

يشرفني توقيعك المشرق .. كأشراقة الشمس

الذي مهما انتظرناه لن يغيب.. بل له وجوده المميز

لكلامك اصبحت القصيدة منتمية الى الشموخ .. وزادت سطورها قمة من الجمال والتميز

الله لايخليني من تواجدك العذب يارب

لكِ أرق تحيه

[الجويّر]

صح لسانش ياصبا على هالمحاوله الشعريه




ويعطيش العافيه وبانتظار جديدش الا اعلى انشالله








تحياتي / الجويّر

[ملك الليل]

السلام عليكم ورحمة الله وبركاته
(مساء ، صباح) .... الخير .


يعطيش الف عافية على الابيات الجميلة ...

ولاتحرمينى من جديدش..