السلام عليكم ورحمة الله وبركاته .. أهديكم هذه المجاراة ..
داهية الشعر إبن جدلان يقول:
ودنا بالطيب بس الوقت جحاد طيب =كل ماتخلص مع الناس كنك تغشّها
ويدك لا مدت الطيب لا تحرى وش تجيب =إن رجعت لك سالمة حب يدك وخشّها
والعرجاني يقول :
عيت حروف القصايد في عيوني لا تشيب=كل ماطابت هجوسي جاها علم و نشّها
ماصويب إلا الذي من دورة الدنيا صويب =إللي لا طارت حلومه ولا قعدت في عشها
ضاع وقته بين صابت أو عساها ما تخيب=لا خذا من الشام عذق(ن) واليمن ما دشّها
ويالبيب العقل ياللي مامثل عقلك لبيب=الوصل غصون رحمة والهجر محشّها
والخطا لا صار جالك من رفيق(ن) لك قريب=فلا تدقق ياالسنافي في الخطايا ومشّها
ماخلق في الناس كامل كل شخص وفيه عيب=والنوايا الله أعلم عن صفاها وغشّها
وأنت لو جالك تخير في الرفيق وفي الصحيب=فأختر أحرار نوادر والزلايب طشّها
أختر إللي لأستشاطت صامل ورأيه صليب=وأترك رخوم عرقها في اللزوم يبشّها
أبعد الله دار رجل(ن) في اللوازم ماينيب =شغلته يآكل وكفه في الجدار يمشّها
جعل أبيه الضو وأمه جعلها ماتجيب صيب=و دار(ن) يحل بثراها جعل يقطع رشّها
26-12-2005, 11:27 PM
العرض العادي
