ذا قوول بن حثلين راعي النفيله,,,,رديه

[تركي]

السلام عليكم,,

ماودي اطولها عليكم لكن ابي اقول قصه هذه القصيده

ارسلي احد الاصدقاء ابيات جميله ورديت عليه ..وهو تركي قبلان

يقول تركي قبلان:::

ياراكب اللي سرعته تسبق الجان *** لاشافه الشراي يكره بديله

جكسار واللي صانعه شعب يابان *** توه جديد ولا تغير مديله

أخذ الجواب ووصله لبن فيحان *** رجل(ن) معه فطنه ورايه دليله

قله تراا حالي من العشق مرضان *** ازرى يذوق النوم صبحه وليله


##وانا رديت عليه بهذه الابيات.....


ياراكب(ن) من عندنا فوق نيسان *** تدل الخطوط وكل درب(ن) تجيله

تنصابنا اللي نعزه بخيطان *** شيخ ولد شيخ كبير القبيله

يامرحبا ياذيب ياشبل قبلان *** رجل(ن) عن المنقود يبعد صهيله

ان كان قصدك عشق انا منه روويان *** حالي تردى من هنووف جميله

هيضتني في ذكر مريوش الاعيان *** اللي عيوني من فراقه عليله

تبكيه عيني ليل والصبح ولهان *** اوله عليه ابوو العيون الكحيله

مير البلا من حب ماكر وخوان *** أثره يبي غيري لاعاد ليله

غرقت انا في بحر الاشواق عميان *** وانا على ماقيل الاشقر وخيله

هذا وانا رجل(ن) شجاع(ن) كحيلان *** من لابتن كل الخطر ترتكيله

عتبان وان ركبوو على الخيل فرسان *** ذا قوول بن حثلين راعي النفيله

واشلون انا هاوي وهوو مابعد لان *** مايعترف بالحب لا ياحليله

قبلي خذا رجال(ن) اسود(ن) وشجعان *** واقرب مثال حب قيس(ن) وليله

قلبي انا مايدخله زوور وبهتان *** ولا يدخله خوان لو هي جميله

ولوو بالحلايا نسخت(ن) من شريهان *** ولو زينها يوصف بزين الجليله

ولو بالدلع تشبه حليمه وهتان *** ولوو الخصال النادره تنتميله

هذي علووم(ن) روحت يابن قبلان *** وماعاد تطريلي علووم البخيله

وختامها اقبل تحيه وعرفان *** عد الرجووم الشامخات الطويله

[تركي]

السلام عليكم,,

ياأخوان حصل خطأ باالقصيده ((خطأمطبعي))

وهو في البيت الاول الشطر الثاني

تدل الخطوط وكل درب(ن) تجيله <<<<iهذا هوو الشطر الصحيح

والبيت السادس الشطر الاول.


مير البلا من حب ماكر وخوان<<<<<هذا هوو الشطر الصحيح

البيت الثامن الشطر الثاني.

وانا على ماقيل الاشقر وخيله<<<<هذا هوو الشطر الصحيح


وانا أسف على الخطأ المطبعي

تقبلوووو تحياتي

تركي,,,,,,

[الرازي]

هذا وانا رجل(ن) شجاع(ن) كحيلان***من لابتن كل الخطر ترتكيله

عتبان وان ركبوو على الخيل فرسان***ذا قوول بن حثلين راعي النفيله



كفؤؤؤ

بعتيبه وصح الساااااانك يا تركي على هالرائعة

تحيااتي لك
ابو عيد

[تركي]

السلام عليكم,,,

صح بدنك باالذيب ولا هنت على مرورك الكريم,,,يابوو عيد


تقبل تحياااتي,,,

[عمهوج]

السلام عليكم

صـــح لـــسانك ياخوي ياتــركي

ونعم بعتيبه ونعم بالجميع

تحياتي

عمهــــوج

[تركي]

وعليكم السلام .

ونعم بحالك ياخوي عمهوج وصح بدنك


شاكرلك على المرور


تحياتي

[cool]

السلاااام عليكم ورحمة الله وبركااااته

عتبان وان ركبوو على الخيل فرسان
ذا قوول بن حثلين راعي النفيله

صح لساااانك صح لسااانك تركي وصح لساااان ابن قبلااان .

الله يعطيك العااافيه على الجزله وهي من جزل ولا هنت الغااالي.

كـووول

[تركي]

وعليكم السلام ورحمة الله وبركاته,,,

الاروع دائماا كووول لك كل الشكر يا اخي على المرور الكريم

وصح بدنك ولاهنت


تحياااتي

[سياتل]

تركي
اسمحلي فانا قليل الردود لكن فعلا ملاحظ كل مشاركاتك الشعريه ويسعدنا تواجدك بيننا..
صح لسانك على القصيده الجزله منك ومن ابن قبلان.

وعلى فكره تم تعديل القصيده والكلمات الي اشرت لها بردك واضافه مني بعد اذنك حطيت مسافه بين كل شطرين علشان تبين كل الحروف.

تحياتي

سياتل

[تركي]

ياهلا والله بالقرم سياتل ..

صح بدنك ياخوووي واتمنى اني عند حسن ظن الكل فيني.

ولووو انت عمهاا وانت سمهااا

شاكرلك على التعديل والفنيات اللي والله انا افقدهااا صرااحه
ولا اعرف اخرج القصيده او الموضوع بشكل جميل كما يفعل الاعضاء
من تظليل القصيده وتكبير الخطوط وإدرااج صور ..بالعربي غشيييييييم


تحياااتي