محمد الدحيمي و*طفولته*

المعقب · #1 10-10-2005, 01:12 AM

بعد انقطاع اقدم لكم قصيده عسى ان تنال اعجابكم
والقصيده اكثر من رائعه لانها نابعه من شخص رائع
واقدمها كا أهداء لــ(اشهب اللال)

يمه غدرني الشيب قبل افرح بشي مشتهيــه=واثري نحرت البحر وانا كنت اخاف من البــلل
يمه ترى حتى العسل ناساً تشوفه مـــــاتبيه=ولا ترى الله قد ذكر في سورة النحل العسل
يمه ترى لو كل رجلٍ جا مثل جده وابيـــــــــه=لكان صاروا كل خلق الله نبيين ورســــــــــل
كم كنت القّح نخل جدي رحمة المولى عليـــه=وان قلت برد يقول عمر البرد مالقّح نخـــــــل
وكم قلت فاسي ثلّمه جذع الاثل وازريت فيـه=البيد سيل من الجفاف شلون ابحطب لك اثـــل
والبير ياجدي حثل والحثل ماحدٍ يرتويــــــــه=وشلون ابارمي الدلو في بيراً وصافيها حثل
ويقول مزن الغيب يقتله الظما من يحتريـــــه=لابد مانشرب هماج لين نلقى له بـــــــــــدل
ولّم حطبك وماك واللي كتب له رزقاً يجيـــه=ود******** داريها قبل مايسبق السيف العـــذل
طفولتي كانت رجوله مابها افراحً وتيـــــــه=في داخلي حتى البراءه عاشت رجولة طفل
طفولتي هم وشقا يمه ولا قد قلت ليـــــــــه=حتى مراجيح الطفوله كانت شداد وجمـــــل
اكبر ويبقى الهم فيني مثل ضيفاً بالوجيــه=وآهج من رمضا العذاب لمربعانية مـــــــــلل
يمه ومن حظه مثل حظي ردي لاتعذليـــــــه=لو ساقته فوضى الزمن لديار عاقلها خبـــل
احلى شبابي وانتهى في غربتي قبل ابتديه=مالوشت له بنت بدو تمشّط اطراف الغــــــزل
حاولت من عاري الزمان آخذ سمل ثوب ارتديه=واثري مثل من حاول بياخذ من الحافي نعل
رجعت مثل اللي طلب ثار ولده من عند اخيه=وشديت بالقعدان حملي يوم ضيعت الزمـــــل
يمه دخيل تراب ماطا رجلك الدمع احبسيــــــه=هالكون كله مايساوي دمع عينك لانهمــــــل
يمه فرح والا حزن دمع الغلا لاتسفحيــــــــــه=تبقى دموعك غاليه لو كان سبتها بصـــــــل
يمه ترى حظي كذا ما افرح بشي مشتهيــه=يمه ما دام اني غرقت شلون اخاف من البـلل

واعذروني على الاخطاء ان وجدت

قرقاص · #2 10-10-2005, 01:43 AM

اقتباس:

المشاركة الأصلية كتبت بواسطة المعقب

يمه دخيل تراب ماطا رجلك الدمع احبسيــــــه=هالكون كله مايساوي دمع عينك لانهمــــــل
يمه فرح والا حزن دمع الغلا لاتسفحيــــــــــه=تبقى دموعك غاليه لو كان سبتها بصـــــــل

أهلاً ومرحبا بك أخي المعقب بعد هالغيبه الطويله ومنور المنتدى

وبالنسبه للقصيدة ... لا جديد فالجديد هو غير الإبداع منك ... فوالله انها قصيدة رائعه جداً جداً بدون أي مجامله ...

نقل رائع وذوق أروع ...

أشكرك أخي المعقب وأتمنى ان تبتعد عن الإنقطاعات المفاجأه .!!!!

قرقاص

فزاع · #3 10-10-2005, 02:26 AM

المعقب طولت الغيبه ولاهنت على القصيده الرائعه وماهي غريبه منك ان تعطينا شي جميل

أشهب الـلال · #4 10-10-2005, 02:49 AM

الله الله

كذا الأبداع ولابلاش

أخي العزيز

المعقب

أولاً أحمد الله على عودتك لنا سالماً معافا، وأشكرك على هذا الاهداء الرائع، ،

<<<<<<<<<< كان مزهب ذا القصيده على جنب ، بس سبقتني عليها يالمعقب

لكن وعد مني أن أنافسك على الأبداعات من الدحيمي خاصةٍ ومن غيره من الشعراء ما عدا .......!!، أكيد فاهمني

على العموم أشكرك مره أخرى على الأهداء الجميل ، والقصيده الرائعه هذه تدل على ذوقك الرفيع في إختيار القصائد ، ، ،

لك مني كُل الأحترام والتقدير

أخيك

سند · #5 10-10-2005, 02:33 PM

المعقب

صح الله ألساانك

ولآآهنـــت ياطيــب

تقبل تحياتي,,,,

المعقب · #6 10-10-2005, 05:05 PM

قرقاص اشكرك جدا على الكلام الجميل
واسعدني مرورك
كل الشكر لك

المعقب · #7 10-10-2005, 05:09 PM

رمان
اسعدني مرورك والرائع حضورك
احتراماتي رمان

المعقب · #8 10-10-2005, 05:13 PM

اشهب اللال اسعدني ان القصيده نالت اعجابك
ويشرفني منافستك بس (.......)مازال يعجبني
وتقبل مني كل الشكر والاحترام

المعقب · #9 10-10-2005, 05:23 PM

الهاوي صح بدنك ولاهنت
على المرور الي اسعدني
تحياتي لك