بطيحان بن منيخر يجاري الامير سعود بن محمد

[فزاع]

ماجور يامفني رصيده من المال
ماوزعه بين الشرك والمعامل
شيخآ شكى صابه من الحب ولوال
عبرات عينه لو جحدها تثامل
ياسعود لاتشكي ترى الود غربال
اصبر كما تصبر جمال المحامل
ياما قنصت امن المها دق وجلال
تلع الرقاب اللي ربت بالمهامل
والله مافاتك من الزين مثقال
الا الذي مجهول في بطن حامل
غزيت الارض وكل من فوقها زال
واليوم في غزو الفضا صرت صامل
اركب على بلو ورح فوق طوال
مركب فضا ماذكر فيها فرامل
وابحث عن اللي فوق الافلاك نزال
ماهي من اللي يلبسن المخامل
خلقآ خلقه الله ولاهوب ينال
الا ولا بينك وبينه تعامل
واصبر على الرحله وهاذيك الاهوال
حيث الخطر مايركبه كل خامل
والزين ماجود على مر الاجيال
بلحضر واللي يركبن الزوامل
لاشك ياضرغام ياشبل الاشبال
مشتاق في قطف الزهر بالمرامل
خطوات زملوقن له ارناق واشكال
خصن اذ نبته طغا بالتكامل

للشاعر / بطيحان بن محمد بن منيخر

[فيصل بن حجرف]

الله يرحمه ويغفر له ويسكنه الجنه
شاعر كبير وله الكثير من القصائد الرائعه اللتي نتمنى ان نراها كلها في هذا المنتدى
لاهنت اخي الكريم على الاخيتار الرائع

[بيطار]

رحم الله ابو بطي واسكنه فسيح جناته

مشكور اخي الكريم رمان على الاختيار الرائع

تقبل تحية اخوك

بيـطار

[أشهب الـلال]

ياسعود لاتشكي ترى الود غربـال=اصبر كما تصبر جمـال المحامـل

أخي العزيز

رمان

تغيب طويلٍ ثم تعود إلينا بتميزك المعهود


لاهنت ياأخي الغالي على النقل.

وأبو بطي الله يرحمه مبدع

لك تحياتي أخي العزيز

[سـعـود]

الله لا يهينك رمان
على النقل الموفق
والله يرحم شاعرها بطيحان

[فزاع]

الاخ فيصل نتشرف بمرورك علينا وكلامك تاج على الراس ومشكور يالحبيب

[فزاع]

اخواني

بيطار

اشهب اللال

مشكورين على المرور وبيض الله

وجيهكم على هالكلام

ولكم تحياتي

[فزاع]

اخوي سعود

مشكور حبيبي
على المرور

والله يجزاك خير