يــاشـاطـئ الزور انـا جيـتك وراها = جــيتك وقلبي يبيـح لك كنــينه
ببوح لك ســرها واكشف غـــطاها = قلــبي عليها تزايد به ونـــيــنه
الجادل اللي ملك قلبي غلاها = روحي وعقلي ووقلبي له رهينه
رعبوبتٍ بلــحلا ربي عطاها = عقل ولباقه مع اوصوفٍ حسينه
رعبوبتٍ لامشت تقصر اخطاها = تمــشي تغــنج وخطوتها رزينه
عيونها اوساع ويذبحني سحاها = عين المها والمها شكله وزينه
وخدودها البيض يكشف لي سناها = برقٍ سناه هيض اللي خايلينه
ياحلو منطوقٍ يطلع من شفاها = احلى من طعم العسل الذايقينه
وجديلٍ لا فلته اسود كساها = وكن القمر نوره ساطع من جبينه
جمالها اليوسفي عانق صباها = وكل الملا في جماله حاسدينه
هي الحلا والحلا كنه ضناها = طفلٍ ظهر منها وفتح بعينه
شاف وعرف امه ويمه دعاها = جاته تضمه وعانقها بيدينه
هذي هي روحي وهي غايه مناها = في وجهها بهجه اقلوبٍ حزينه
دايم قي بالي وعقلي مانساها = حيث ان طبع الوفا بيني وبينه
(مابيعها لو عطيت ابمشتراها = ابها وجده وحايل والمديـــنه)
وهي نور عيني وهي حلمي معاها = وهي عمري اللي مضى وباقي سنينه
يا لا يمي بحبها جعلك افداها = جعلك افداها من ادهورٍ مهينه
وانا ادري الشعر يعجز ماوفاها = وتعجز بحور الشعر مع بادعينه
يــالله انا طالبك تحفظ حلاها = ومن كل حاسد ونياتٍ لعينه
وياشاطئ الزور ون مرك هواها = قلــه سبب قلبي وبوحت كنينه
وسلامــــــــــتــــكم
29-08-2005, 04:31 PM
العرض العادي
