هذه المعركة حصلت في الجوف وهو حينما كانت الجوف تحت إمارة الشيخ / نواف بن النوري بن هزاع الشعلان ، دخل الأمير سعود بن عبدالعزيز بن متعب آل رشيد ..رحمه الله الجوف واستولى على الجوف وتحصن فيه فاتى الخبر للشيخ النوري بن شعلان وابنه نواف فأعدوا العدة وحاصرت قبيلة الرولة المنطقة والقصر الذي كان به ابن رشيد وكان مع الرولة عودة بن حرب أبو تايه و معه الحويطات والعوازم وعدد كبير من البدو وحاصروا ابن رشيد حصار كامل ، قال العوني هذه القصيده عند حصارهم لإبن رشيد : -
وأرسل العوني قصيده لشمر عند الحصار علي لسان بن رشيد لينخا شمر نذكر أربع أبيات منها : -
راكب فوق حر يذعـره ظلـه ////// مثل طير كفخ من كف قضابـه
ماحلا فزته والخـرج زاه لـه ///// والميارك علي متنه تثني بـه
من سكاكا ترحل واترك الذلـه //// واحذر الخوف هاجوسك تهنا به
سر لشمر وخبر لابتـي كلـه ////// لابتي بالملاقا حي مـن لابـه
وحين سمعت قبائل شمر في حائل بالحصار اتت جميعها ، فحصلت معركة كبيرة انتصرة شمر وأنهزم الخصوم شر هزيمة .. وقد قال العوني هذه القصيده بعد المعركه : -
مزنه حل الغضـب مـن جوانبهـا
قادها المولي علي راس عدوانـه
امطرت بالموت والفـوت صايبهـا
صار بامره صها فـوق عدوانـه
هلت القصديـر وسعـود يندبهـا
وانزعج سوا البـلا قبـل دخانـه
الفخـر والمـدح للـي بجانبـهـا
يوم حل البيـن والنفـس بلشانـه
عاش من كفه ضحي الكون خضبها
يوم خطو اللاش به طارت اذهانـه
امدحوا من هدوا دمـي مخالبهـا
قـدم ربعـه ماتنقـي بحيطـانـه
امدحوا صبيـان حايـل جلايبهـا
وردوا بايمانهـم كـل عطشـانـه
يوم قام سعـود بالصـوت يندبهـا
وردوا حوض المنايا علـي شانـه
خلوا الشعـلان تطـرخ ذوايبهـا
عند غرس الجوف تروح منشانـه
ذيبـي اللـي بالغضـا لاتجنبهـا
عن هل العليـا تراهـم بجدرانـه
وهذه قصيده أخرى للعوني في نفس المعركه : -
يانديبي سر علـي كـور قطعيـه
حره من سـاس ذرواه مفـروده
ماحـلا رولـه بـدوه خلاويـه
كنها الربدا عن الـدوح مطـروده
راكبه ياصـاح ياطيـب هالنيـه
والضحي هذاك بالحزل منشـوده
قل جري يوم عبوس سمك فيـه
زلزل الضلعان والقـاع برعـوده
بيننا كن الموازر ضحـي الهيـه
ضوح برق الصيف والهند مجروده
والجنايز مثـل جـدع الجناديـه
قبل شرب الما علي جال مـاروده
والدما سالت علي القاع سبليـه
عشبها للطير والذيـب وجنـوده
سته اغواش شعالين مـع ميـه
من الروله كنها الجيـد مرجـوده
سلبوا صبيـان حايـل قصاويـه
وردوا ورد علي المـاي ماكـوده
لين بلـوا كـل نفـس شقاويـه
اشهد ان الطيب هم راس ماروده
يوم قام سعـود ينخـا الفداويـه
زادت العلمـان والعـز بسعـوده
شيخنا زبن الونيه عـن السيـه
في نهار يصبح الشيـب مالـوده
مع احترامي للجميع ،،،
اخوكم : صالح الشمري
10-08-2005, 03:20 AM
العرض الشجري