ســـــــــــــــود الـبــكـــــــــار

[عبدالله الفروان]

هذه القصيده للشاعر خلف بن هذال العتيبي
وهي من القائد التي رسخت في ذهني وهذا من اعجابي بابياته
وارجوا ان تنال القصيده الرضا والقبول والاعجاب منك

يقول خلف :

اخذت من روحي لروحي نصايــــح= ثلاث يرضن النفوس الضياقــــــــي

جمع الحطب ومعلقات الذبايــــــــــح= وحذف النشاما للغتر والطواقــــــي

بقفر خلا عشبه بالازهار فايـــــــــح= غصن الخزاما له بالاخر مراقــــي

تلاقى ام سالم به تجر النوايـــــــــح= يطيب مع طير الربيع التلاقـــــــــي

في نون عيني بارق الوسم لايـــــح= كن السحاب تسل فيه السناقـــــــي

ان عودوا غب المطر للفلايـــــــــح = ماني بفلاح يعدل سواقــــــــــــــــي

عودت للي يكسبن المدايــــــــــــــح = فيهن طرب قلبي ولذة مذاقــــــــــي

سود البكا المكرمات المنايــــــــــح= هذي ضوت خلفا والاخرى ملاقــي

ملحا تفاهق بالصميل اتمايـــــــــــح= تركي على كبد الحسود العراقــــي

امشي تحت غر المزون الروايــح=هذا هواي ورغبتي واشتياقـــــــي

يرتاح بالي يوم اوده واصايــــــــح= وافرش فراشي في مبارك نياقـــي

وانحاش من ناس تسوي الفضايح = عاشت بسو اخلاق كذب ونفاقــــي

ناس تسرد للمشاكل شرايــــــــــح= تثير من بين الاخوان الشقاقــــــي

كل الحيا احلام وباقي العمر رايح = طرقي بها الدنيا وغير طراقـــــــي

اخوكم : عــبــــدالله الـــفـــــــروان ( الــفـــــراوي )

[Aziz]

اختيار رائع بكل ماتعنيه الكلمه

شكراا .

[عـزام]

اخذت من روحي لروحي نصايـح=ثلاث يرضن النفـوس الضياقـي

جمع الحطب ومعلقـات الذبايـح=وحذف النشاما للغتـر والطواقـي

يا سلام يا ابن فروان

اختيار موفق

لشاعر رائع صح الله لسان ابو هذال


وتسلم يمناك

[فلاح بن ملبز]

لاهنت عى النقل يا ابن فروان

وصح لسانك ولسان خلف واختيار رائع وجزل

[@منسـ على ددسن ـــم@]

صح السانك يابن فروان


قصيده مسكته


لا هنت طال عمرك

[مصلح]

في نون عيني بارق الوسم لايـح = كن السحاب تسل فيـه السناقـي

ان عودوا غب المطـر للفلايـح = مانـي بفـلاح يعـدل سـواقـي

عـودت للـي يكسبـن المدايـح = فيهن طرب قلبـي ولـذة مذاقـي

سود البكـا المكرمـات المنايـح = هذي ضوت خلفا والاخرى ملاقي

اختيار جزل يدل على ذائقه جزله منك يا عبدالله الفروان

لاهنت الله يرحم والديك وتراني متابع لكل جديد منك

ناطرين كل جديد

[الازرق]

اشكرك يا اخوي بن فروان على الاختيار الرائع والجزل
وصح اللسانك والسان بن هذال
لا هنت على كل حال يا.....
الازرق

[قبلةالعجمان]

صح لسانك ولسان بن هذال

[عبدالله الفروان]

بسم الله الرحمن الرحيم



الله لايهينكم



وانشاله تشوفون مني كل ما ينال رضاكم




اخوكم : عــبــدالله الــفـــــروان (( الــــفـــــــراوي ))

[ابن بخيت]

صح الله لسانك ولسان بن هذال

والله يعطيك العافيه وماقصرت على القصيده الرائعه

وانا بنتظار جديدك

اخوك ابن بخيت